ԱՄՆ խոցել է չինական լրտեսական օդապարիկը։ Համապատասխան հրամանը տվել է ԱՄՆ նախագահ Ջո Բայդենը։ Օդապարիկը ոչնչացվել է ինքնաթիռներից մեկի հրթիռից։ Դաշնային ավիացիոն վարչությունը փակել է Հարավային և Հյուսիսային Կարոլինա նահանգների ափերի օդային տարածքը։ Կասեցվել է նաև օդանավակայանների աշխատանքը։ ԱՄՆ ռազմածովային ուժերի USS Carter Hall նավը օբյեկտը որսալուց հետո ջրից բեկորներ դուրս կբերի. նավում 30 տոննա կշռող կռունկ է, հայտնում է euro weeklynews-ը։ Ամերիկացի զինվորականները սպասել են, որ օդապարիկը ծով դուրս գա Հարավային Կարոլինայի Միրթլ Բիչ Ատլանտյան ափերի մոտ:
Պեկինը խոստովանել է, որ օդապարիկը ստեղծվել է Չինաստանում։ Սակայն Պեկինում պնդում են, որ սա ընդամենը օդերեւութաբանական զոնդ է, որը շեղվել է ուղեծրից։ Պենտագոնը մերժում է այդ պնդումները և ընդգծում, որ սա հետախուզական օբյեկտ է։ Օդապարիկի՝ ԱՄՆ երկնքում հայտնվելուց հետո չեղարկվել է Պետքարտուղար Բլինքենի այցը Պեկին։
