Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Գործարար Անդրանիկ Ամիրջանյանի ֆեյսբուքյան գրառումը
Հարգելի՛ ընկերներ, տարբեր պետական համակարգերում ունեցածս փորձն ու քաղաքագետի մասնագիտությունը ինձ թույլ են տվել կայացնել որոշում՝ միանալ «Ապրելու երկիր» կուսակցությանը:
Ինձ համար մեծ պատասխանատվություն է քաղաքական քայլ կատարելը, առավել ևս որևէ կուսակցության միանալը։ Այս որոշմանը հանգել եմ առավելապես հաշվի առնելով «Ապրելու երկիր» կուսակցության գործունեությունն անվտանգության և Արցախի հարցերում։
Ես նույնպես հավատում եմ, որ իրական խաղաղության հնարավոր է հասնել միայն ուժեղ լինելու պարագայում։ Կարծում եմ, որ ճիշտ քաղաքականության և քրտնաջան աշխատանքի շնորհիվ մենք կարող ենք ունենալ ուժեղ պետություն և բոլոր դժվարություններով հանդերձ, պաշտպանել նաև Արցախը։
«Ապրելու երկիր» կուսակցության գործունեությունը հիմնվում է հասարակության համախմբման և ոչ թե մասերի բաժանման վրա։ Մենք կարծում ենք, որ բազմակարծությունը պետք է ծառայի հասարակական և քաղաքական տարբեր խնդիրների լուծմանը և ոչ մի պարագայում այն չպետք է օգտագործվի երկրում թշնամք և ատելություն սերմանելու համար։
«Ապրելու երկիր» կուսակցությունը բաց է բոլոր խելամիտ առաջարկների և քննարկումների համար, որոնք միտված կլինեն, որպեսզի մենք իսկապես ունենանք ապրելու երկիր:
