Armenia
This article was added by the user . TheWorldNews is not responsible for the content of the platform.

Արամ Խաչատրյան համերգասրահում ելույթ կունենա աշխարհահռչակ տենոր Յոզեֆ Կալեյան

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Հոկտեմբերի 5-ին Արամ Խաչատրյան համերգասրահում Հայաստանի պետական սիմֆոնիկ նվագախմբի հետ և դիրիժոր Սերգեյ Սմբատյանի ղեկավարությամբ ելույթ կունենա աշխարհահռչակ տենոր Յոզեֆ Կալեյան։ Վերջինս աշխարհի լավագույն թատրոնների մշտական հյուրն է. նա ելույթներ է ունենում «Մետրոպոլիտեն» օպերայում, Լոս Անջելեսի, Վիեննայի, Ֆրանկֆուրտի, Փարիզի օպերային թատրոններում, Քովենթ Գարդենում և բազմաթիվ այլ հայտնի բեմերում՝ լավագույն նվագախմբերի նվագակցությամբ։ Կալեյան հայաստանյան այցից առաջ տեսաուղերձում նշել է, որ մեծ ուրախությամբ է սպասում երևանյան իր առաջին բեմելին։

Նրա երգացանկում են մի քանի տասնյակ օպերաների գլխավոր արիաներ։ Երաժշտասերներին հիացրել են նրա Հերցոգը և Ալֆրեդը Վերդիի «Ռիգոլետտո» և «Տրավիատա» օպերաներից, Ռուդոլֆը Պուչչինիի «Բոհեմ» օպերայից և այլն։ Մեր երաժշտասերները մեծ երաժշտի արվեստի հետ հաղորդակցվելու հնարավորություն կունենան «Արմենիա» միջազգային երաժշտական փառատոնի շրջանակում, որը կազմակերպել են Հայաստանի պետական սիմֆոնիկ նվագախումբը և Մշակույթի աջակցման եվրոպական հիմնադրամը (EUFSC)։

Նույն համերգային երեկոյի ընթացքում ելույթ կունենա համաշխարհային մեծության ևս մեկ արտիստ՝ ամերիկացի ջութակահար Գիլ Շահամը։

Ի դեպ, 2021 թվականին Յոզեֆ Կալեյան Հայաստանի պետական սիմֆոնիկ նվագախմբի հետ Դուբայի օպերային թատրոնում կատարել է Ալեքսանդր Սպենդիարյանի «Ա՛յ վարդ» ռոմանսը։

ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ