Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
ՀՀ արդարադատության նախարարի հրամանով «Արթիկ» քրեակատարողական հիմնարկի պետ Արման Մելքոնյանը տեղափոխվել եւ նշանակվել է «Երեւան-Կենտրոն» քրեակատարողական հիմնարկի պետ։ Այս մասին Aravot.am-ը տեղեկանում է ՀՀ ԱՆ քրեակատարողական ծառայության կայքից։
44-ամյա գնդապետ Արման Մելքոնյանը մինչեւ քրեակատարողական ոլորտ տեղափոխվելը աշխատել է ոստիկանությունում՝ զբաղեցնելով տարբեր պաշտոններ։ 2019թ․-ի օգոստոսի 7-ին էր նշանակվել «Արթիկ» ՔԿՀ-ի պետ։ Մինչ նշանակումը ոստիկանության Գեղարքունիքի մարզային վարչության Մարտունու բաժնի պետն էր։
Ի դեպ, ըստ Aravot.am-ի աղբյուրների, «Արթիկ» քրեակատարողական հիմնարկում Արման Մելքոնյանը բավականին աշխատանք է տարել՝ կարգավորելով միջանձնային փոխհարաբերությունները։ Նույնիսկ քրեակատարողական հիմնարկում պատիժ կրող անձինք դժգոհ չեն եղել նրա աշխատանքից։
Արման Մելքոնյանը Ազգային ժողովի «Քաղաքացիական պայմանագիր» խմբակցության պատգամավոր Գուրգեն Մելքոնյանի որդին է։
Իսկ «Արթիկ» քրեակատարողական հիմնարկի պետի պարտականությունները ժամանակավոր կատարող է նշանակվել Խաչիկ Հարությունյանը։
Արման Մելքոնյանի լուսանկարը՝ քրեակատարողական ծառայության կայքից
Արմեն ԴԱՎԹՅԱՆ
