Ռուսական ՏԱՍՍ լրատվական գործակալությունը Հարավաֆրիկյան Հանրապետության արտաքին գործերի նախարար Նալեդի Պանդորին հղումով հայտնում է, որ այս երկրի իշխանությունները խորհրդակցություններ կանցկացնեն Ռուսաստանի հետ՝ Հաագայի միջազգային քրեական դատարանի կողմից Վլադիմիր Պուտինի ձերբակալության հրամանի առնչությամբ:
Օգոստոսին BRICS-ի գագաթնաժողովը (Բրազիլիա, Ռուսաստան, Հնդկաստան, Չինաստան և Հարավային Աֆրիկա) պետք է անցկացվի Հարավային Աֆրիկայի Դուրբան քաղաքում։ Ավելի վաղ Հարավային Աֆրիկայի իշխանությունները հանդիպմանը հրավիրել էին դաշինքի բոլոր պետությունների ղեկավարներին, այդ թվում՝ Պուտինին։ Անցյալ շաբաթ ՄՔԴ-ն Պուտինի ձերբակալելու օրդեր է տվել ռազմական հանցագործության կասկածանքով։
Ի տարբերություն Ռուսաստանի, Հարավային Աֆրիկան վավերացրել է Հռոմի ստատուտը, ինչը նշանակում է, որ պարտավոր է կատարել Միջազգային քրեական դատարանի որոշումները, այդ թվում՝ Պուտինի ձերբակալությունը։
«Մենք կուսումնասիրենք մեր օրենսդրության դրույթները, և, ըստ երևույթին, մենք քննարկումներ կունենանք կառավարությունում, ինչպես նաև Ռուսաստանի մեր գործընկերների հետ, որպեսզի որոշենք, թե ինչպես վարվել», – ասել է Նալեդի Պանդորը։
