Armenia

«Հայկանդուխտ»-ն ընդդեմ Արթուր Բաղդասարյանի» դատաքննությունը հետաձգվեց երեք ամսով

Առավոտ — Նորություններ Հայաստանից
«Հայկանդուխտ»-ն ընդդեմ Արթուր Բաղդասարյանի» դատաքննությունը հետաձգվեց երեք ամսով

Դատավոր Ռուբեն Ներսիսյանի նախագահությամբ այսօր «Արմենուհի Ղազարյանն ընդդեմ Արթուր Բաղդասարյանի» քաղաքացիական գործով նախնական դատական նիստն էր:

Հիշեցնենք, որ «Հայկանդուխտ» կուսակցության նախագահ Արմենուհի Ղազարյանը դատական ատյանի միջոցով է պահանջում անվավեր ճանաչել Արթուր Բաղդասարյանի ղեկավարած «Հայկական վերածնունդ» կուսակցության գրանցումը եւ վերջինիս կանոնադրությունը, քանի որ, ըստ նրա, ՀՎԿ հիմնադիր կուսակցությունները, այդ թվում՝ իրենը, ընդգրկված չեն հիմնադիրների շարքում(Արմենուհի Ղազարյանի խոսքով՝ դեռեւս 2016 փետրվարին կայացավ «Հայկական վերածնունդ» միավորման հիմնադիր համագումարը, սակայն հետագայում կառույցը Պետռեգիստրում գրանցվել է ոչ թե որպես միավորում, այլ կուսակցություն):

Այսօրվա նիստում Արմենուհի Ղազարյանը միջնորդեց, որպեսզի իր հայցադիմումին որպես երրորդ անձ ներգրավվի ՀՎԿ հիմնադիր կուսակցություններից «Ազգային արժեքների պաշտպանություն» կուսակցությունը, քանի որ այն միացել է իր հայցադիմումին: Դատարանը միջնորդությունը բավարարեց: Այս նիստում էր պատասխանող կողմից՝ ՀՎԿ-ից ներկայացուցիչ չէր եկել:

Դատավոր Ռուբեն Ներսիսյանի որոշմամբ նիստը հետաձգվեց եւ նշանակվեց սեպտեմբերին: Դատարանն այս որոշումը պատճառաբանեց աշխատանքային ծանրաբեռնվածությամբ:

Հիշեցնենք նաեւ, որ ՀՎԿ-ի մամուլի պատասխանատուն ժամանակին մեզ հետ զրույցում պատասխանել էր Արմենուհի Ղազարյանի մեղադրանքներին:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Football news:

Manchester United of the mid-90s, Flamengo of the 70s, England of the 80s: 101 best forms in the history of football (first part)
UEFA President: The memory of the Soviet victory at Euro 1960 will live long
Fabregas on the best coaches in their careers: Guardiola, Mourinho and Wenger. The way Jose played with my mind was unbelievable
Napoli will extend the contract with Gattuso until 2023
Henri knelt for more than 8 minutes in the first match in charge of Montreal, honoring the memory of George Floyd
Kalu moved from Herta to Botafogo
Goalie of the banner of Labor, who was hit by lightning: everything is good at the moment. Back soon