Ռուսաստանի արտաքին քաղաքականության նոր հայեցակարգը, որը Վլադիմիր Պուտինը հաստատել է մարտի 31-ին, հավանաբար ուղղված է հակաարևմտյան կոալիցիա ստեղծելու Կրեմլի փորձերին աջակցելուն, գրում է Պատերազմի ուսումնասիրման ամերիկյան ինստիտուտը (ISW):
Փաստաթղթում ընդգծվում է բազմաբևեռ աշխարհակարգ ստեղծելու Ռուսաստանի նպատակը, այդ թվում՝ վերջ դնելով ԱՄՆ-ի գերակայությանը համաշխարհային գործերում: Պնդվում է, որ մարդկության մեծ մասը շահագրգռված է Ռուսաստանի հետ կառուցողական հարաբերություններով, և որ ցանկալի բազմաբևեռ աշխարհը հնարավորություններ կբացի ոչ արևմտյան համաշխարհային տերությունների և տարածաշրջանային առաջնորդների համար:
Նոր փաստաթուղթը, ամենայն հավանականությամբ, ուղղված է աջակցելու Կրեմլի փորձերին՝ ակտիվացնել առաջարկները չմիացած երկրներին՝ հակաարևմտյան դաշինք ստեղծելու համար, գրում է ISW-ն։
Սակայն Ռուսաստանի տնտեսական հզորության անկումը և Ուկրաինայում նրա ռազմական ներուժի թուլացումը վատ խթան են Մոսկվայի առաջարկի նկատմամբ լուրջ հետաքրքրություն ցուցաբերելու համար, նշում են զեկույցի հեղինակները։
ISW-ն գնահատում է, որ Սի Ծինպինի Մոսկվա կատարած այցի ժամանակ հակաարևմտյան դաշինք ստեղծելու Պուտինի առաջարկը լավ չի ընդունվել, քանի որ Չինաստանի առաջնորդը հրաժարվել է Չինաստանին ներքաշել Արևմուտքի հետ Պուտինի աշխարհաքաղաքական հակամարտության մեջ:
