ՀՀ քննչական կոմիտեն հորդորում է բոլոր այն քաղաքացիներին, որոնք «Սուրմալու» առևտրի կենտրոնից ձեռք են բերել, սակայն դեռևս չեն օգտագործել հրավառության համար նախատեսված նյութեր և պարագաներ, դրանք չօգտագործել և նշված իրերը ներկայացնել ՀՀ ոստիկանության՝ իրենց բնակության վայրի բաժիններ:
«Միաժամանակ հավելում ենք, որ նշված գործողությունը քաղաքացիների համար չի առաջացնի իրավական հետևանքներ»,- նշված է Քննչական կոմիտեի հայտարարությունում։
Հիշեցնենք, որ օգոստոսի 14-ին տեղի ունեցած պայթյունի, դրան հաջորդած հրդեհի ու փլուզման հետևանքով 16 մարդ է զոհվել, դեռևս 2 մարդ անհետ կորած է, 5 մարդ հիվանդանոցում է։
Զոհերի թվում են հնգամյա Մարատն ու նրա հղի մայրը։
«Սուրմալու»-ի տարածքում որոնողափրկարարական աշխատանքները շարունակվում են։
Ի հիշատակ օգոստոսի 14-ին «Երևանի պահածոների գործարան» ՓԲԸ-ի տարածքում տեղի ունեցած հրդեհի և պայթյունի հետևանքով զոհված քաղաքացիների՝ Հայաստանում և Արցախում երկօրյա սուգ է հայտարարված, իջեցված են դրոշները։