Կարմիր խաչի միջազգային կոմիտեն Ադրբեջանում գերեվարված անձանց թվի հետ կապված վիճակագրական տվյալներ չեն տրամադրում հանրությանը, բայց անմիջական կապի մեջ են համապատասխան անձանց ընտանիքների հետ։ Այս մասին այսօր «Մեդիա կենտրոն»-ում հայտարարեց Կարմիր Խաչի միջազգային կոմիտեի հայաստանյան գրասենյակի հաղորդակցման և կանխարգելման ծրագրերի ղեկավար Զառա Ամատունի:
«Մեր վերջին, կարելի է ասել առաջին տեսակցությունը այն անձանց հետ, որոնց Ադրբեջանի իշխանությունները հաստատել են մեր կազմակերպությանը, տեսակցել ենք սեպտեմբերի 23-ին»,- նշեց նա։
Զառա Ամատունու խոսքով՝ ինչպես այլ դեպքերում, այս դեպքում ևս ԿԽՄԿ-ի ներկայացուցիչները հնարավորություն են ունեցել շրջել այդ պահման վայրով, ստուգել այդ անձանց առողջական վիճակը, ընտանիքների հետ կապ հաստատել։ «Բնականաբար, այս գործընթացը շարունակական է»,- ընդգծեց նա։