logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Armenia

«Մանվել Գրիգորյանը վերակենդանացման բաժանմունքում է, նա գիտակցության եկել է». Արսեն Մկրտչյան

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

««Նաիրի» բժշկական կենտրոնում ժամը 16.00-ին այցելել եմ Մանվել Գրիգորյանին, նրա վիճակը շարունակում է մնալ ծանր»,- քիչ առաջ Aravot.am-ի հետ զրույցում տեղեկացրեց Մանվել Գրիգորյանի պաշտպան Արսեն Մկրտչյանը:

Հետաքրքրվեցինք՝ Մանվել Գրիգորյանը շարունակո՞ւմ է մնալ անգիտակից վիճակում, վերակենդանացման բաժանմունքում, փաստաբանը պատասխանեց. «Մանվել Գրիգորյանը վերակենդանացման բաժանմունքում է, նա գիտակցության եկել է»:

Հետաքրքրվեցինք՝ ի՞նչ են ասում բժիշկները, լավացման միտում կա՞, Արսեն Մկրտչյանը պատասխանեց. «Արդեն երեկ բոլոր այդ նշանները կային՝ ճնշում, հաց, շնչահեղձ էր լինում, շաքարը բարձր էր: Բժիշկներին էլ էր պարզ, դա այն է, որ այդ կարգի հիվանդին, եթե պահում են կալանքի տակ, մաքուր օդ չի տեսնում, բնականաբար պիտի լիներ այդպես»:

Այնուհետ փաստաբանը մտահոգություն հայտնեց. «Սա վկայում է այն մասին, որ այն հանձնարարությունը, որ տրված է՝ սպանել Մանվել Գրիգորյանին, պատշաճ ձևով կատարվում է, ուղղակի բժիշկները ժամանակին են նրան ցուցաբերել բուժօգնություն»:

Հիշեցնենք, որ ավելի վաղ՝ Նազիկ Ամիրյանի գործով դատական նիստից առաջ Մանվել Գրիգորյանի և Նազիկ Ամիրյանի փաստաբանական խմբի անդամ Լևոն Բաղդասարյանը հայտարարել էր, որ Մանվել Գրիգորյանը գտնվում է անգիտակից վիճակում:

Տաթև ՀԱՐՈՒԹՅՈՒՆՅԱՆ

Themes
ICO