Armenia

«Մենք բարձրաձայնելու ենք ավելի գլոբալ խնդիրներ»․ նոր Հ/Կ՝ գիտության և զարգացման համար

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

«Ես համալսարանական եմ» նախաձեռնության անդամների որոշմամբ, մեկնարկել է «Գիտակրթական նախաձեռնությունների կենտրոն» հասարակական նոր կազմակերպության գործունեությունը, որը միտված է նպաստելու գիտության և կրթության ոլորտի զարգացմանը։

Հանդիպման սկզբում ԵՊՀ քաղաքացիական դատավարության ամբիոնի վարիչ Վահե Հովհաննիսյանը փաստեց, որ հասարակական նոր կազմակերպության հիմնադրումն ինքնանպատակ չէ, և որ այն տարբերվելու է ներկայումս գործող հասարակական կազմակերպությունների ստեղծման շարժառիթներից և տեսլականներից։

Նրա հավաստմամբ, հասարակական կազմակերպության ստեղծումն օբյեկտիվ անհրաժեշտություն է․ «Հատկապես վերջին շրջանում կրթության և գիտության ոլորտում տեղի են ունենում գործընթացներ, որոնք, մեղմ ասած, մտահոգիչ են։ Մինչ այս պահը մենք բարեփոխման շոշափելի որևէ արդյունք դեռևս չենք արձանագրել։ Հասարակական կազմակերպության ստեղծման գլխավոր շարժառիթը վերոնշյալ գործընթացներին ուղղորդող ազդեցություն և բարեփոխումների գործում լիարժեք մասնակցություն ունենալն է»։

Վահե Հովհաննիսյանի փոխանցմամբ, հասարակական կազմակերպության նպատակներն են Հայաստանում գիտության և կրթության ոլորտում բարեփոխումներին աջակցելը, ոլորտի բարեփոխումների փաթեթներ, նախագծեր մշակելը, առկա ծրագրերին, առաջարկներին, նախագծերին փորձագիտական գնահատական տալը։

Բացի դրանցից, նրա խոսքով, հասարակական կազմակերպությունը միտված է նպաստելու Հայաստանում գիտության տարածմանը, զարգացմանը, կազմակերպելու դասախոսություններ, մեդիա հաղորդումներ, տարածելու գիտական, գիտահանրամատչելի նյութեր, ինչպես նաև պաշտպանելու Կազմակերպության անդամների, գիտության և կրթության ոլորտում ներգրավված անձանց իրավունքները:

Անդրադառնալով թվարկած վերջին նպատակին՝ Վահե Հովհաննիսյանը պարզաբանեց, որ գիտակրթական կազմակերպություններում թերևս գործում են արհմիություններ, սակայն դրանք հիմնականում զբաղված են աշխատանքային իրավունքների պաշտպանությամբ, և եթե տեսնենք պետական կամ լիազոր մարմնի կոնկրետ քաղաքականության արդյունքում ոլորտի կամ առանձին աշխատողների շահերի ոտնահարում, մենք օրենքով սահմանված կարգով ձեռնամուխ ենք լինելու նրանց իրավունքների պաշտպանությանը՝ հարկ եղած դեպքում դատական կարգով»։

Հասարակական նոր կազմակերպության կանոնադրության հաստատումից հետո նախաձեռնության անդամները քվեարկության միջոցով ընտրեցին նաև դրա ղեկավար կազմին։ Ըստ այդմ՝ «Գիտակրթական նախաձեռնությունների կենտրոն» հասարակական կազմակերպության նախագահ ընտրվեց ԵՊՀ քաղաքական ինստիտուտների և գործընթացների ամբիոնի դոցենտ Մենուա Սողոմոնյանը։

ՀԿ-ի խորհրդի անդամներ ընտրվեցին ԵՊՀ քաղաքացիական իրավունքի ամբիոնի ասիստենտ Արսեն Թավադյանը, Մանկավարժության ամբիոնի ասիստենտ Մերի Հովհաննիսյանը, Կրոնի պատմության և տեսության ամբիոն դոցենտ Պարգև Բարսեղյանը, փիլիսոփայական գիտությունների թեկնածու, դոցենտ Դավիթ Մոսինյանը, Փիլիսոփայության պատմության, տեսության և տրամաբանության ամբիոնի դոցենտ Մովսես Դեմիրճյանը և Քաղաքական ինստիտուտների և գործընթացների ամբիոն դոցենտ Ալեն Ղևոնդյանը։ Ապա արդեն խորհրդի անդամների ընտրությամբ Արսեն Թավադյանն ընտրվեց ՀԿ-ի քարտուղար։

Մենուա Սողոմոնյանը տեղեկացրեց, որ նորաստեղծ ՀԿ-ն ժամանակավոր կգործի Ծարավ Աղբյուր 119/2 հասցեում։ Նրա հավաստմամբ, ծրագրերը և մտադրությունները բավականին շատ են, որոնք վերաբերում են ինչպես բուհական կրթության, հետազոտության, տեղական ու միջազգային փորձի ուսումնասիրությանը, այնպես էլ իրավական ակտերի  փորձաքննություններին․ «Ոլորտը բավականին լայն է, պետք է վեր հանել խնդիրները և նպաստել ինչպես մեր հարազատ ԵՊՀ-ի, այնպես էլ բուհական ընդհանուր համակարգի զարգացմանը»։

Վահե Հովհաննիսյանն ընդգծեց, որ ՀԿ-ն իր գործունեությունն իրականացնելիս պետք է լինի առավելագույնս թափանցիկ, ինչպես նաև իրապես գործող։ Նրա հավաստմամբ, արդյունավետ գործունեությունն է կշիռ տալու կազմակերպությանը․ «Միանշանակորեն բոլորիս ջանքերը պետք է ուղղված լինեն արդյունք ապահովելուն»։

Մենուա Սողոմոնյանի կարծիքով էլ կարևոր է, որ ինչ-որ  ծրագրում ներգրավվելիս մարդիկ հոգեկան և նյութական բավարարվածություն զգան․ «Ինչպես ցանկացած նախաձեռնություն, մենք կքննարկենք նաև, թե ինչ հնարավորություններ, ֆոնդեր կամ դոնորներ կան՝ համագործակցելու համար»։ Նրա խոսքով, առաջիկայում կլինեն հանդիպումներ և կքննարկվեն բոլոր նախաձեռնությունները։

Հաղորդագրություն

Football news:

Latvian Stepanov is Wenger's worst transfer. Arsene did not understand that Bergkamp admired him for a joke – and signed
Berbatov – Bale: Gareth, I want to see you play football!
Arturo Vidal: Bayern are always the favourites, but Barcelona is the best team in the world
Kike Setien: Lewandowski is a great player, but he is not on the level of Messi
The great Milan of the noughties are already coaches: Gattuso is rebuilding Napoli, Shevchenko is going to the Euro, some are still at the club
The Premier League will not have a winter break in the 2020/21 season. Start-September 12, end-may 23
Liverpool have entered talks with Bayern over Tiago