Միացյալ Թագավորության կառավարությունը կշարունակի ռազմական և տնտեսական օգնություն ցուցաբերել Ուկրաինային ինչպես ռազմական գործողությունների ընթացքում, մինչև Կիևի կողմից առաջադրված բոլոր նպատակների իրականացումը, այնպես էլ դրանից հետո՝ ավերված ենթակառուցվածքները վերականգնելիս։ Սա Թագավորության ԱԳ նախարար Ջեյմս Քլեվերլիի ելույթից մեջբերում է, որը նա երեքշաբթի երեկոյան կներկայացնի Բիրմինգհեմում իշխող Պահպանողական կուսակցության համագումարում, փոխանցում է ՏԱՍՍ-ը։
«Մենք նրանց կօգնենք այնքան ժամանակ, քանի դեռ պատերազմը չի հաղթել, մենք նրանց օգնելու ենք այնքան ժամանակ, քանի դեռ չի վերականգնվել իրենց ինքնիշխանությունը: Մենք երբեք չենք ճանաչի Լուգանսկի, Դոնեցկի, Խերսոնի, Զապորոժիեի կամ Ղրիմի միացումը Ռուսաստանին: Դա Ուկրաինայի մի մասն է։
Եվ երբ Ուկրաինան հաղթի այս պատերազմում, մենք կօգնենք նրանց վերականգնել իրենց տները, տնտեսությունները և հասարակությունը»,- նշված է ելույթում։
Նրա խոսքով՝ Լոնդոնն ունի «ռազմավարական տոկունություն», որպեսզի շարունակի աջակցել Ուկրաինայի իշխանություններին «մինչև հաղթանակ»։ Ինչպես նշվում է Քլեվերլիի ելույթում, որի հատվածները մեջբերում է Reuters-ը, Միացյալ Թագավորությունն Ուկրաինայում իր ակտիվ գործողություններով ցույց է տվել, որ ինքը միջազգային քաղաքականության «դաշտի խաղացող» է, այլ ոչ թե պարզապես «մեկնաբան»։
