Ռուսաստանը սպասում է «լուրջ հետևանքների» միջուկային զենքի կիրառման դեպքում։ Այս մասին ուրբաթ օրը Բրյուսելում կայացած մամուլի ասուլիսում հայտարարել է ՆԱՏՕ-ի գլխավոր քարտուղար Յենս Ստոլտենբերգը։Լուրը հաղորդում է ՏԱՍՍ-ը:
«Ռուսաստանը կբախվի լուրջ հետևանքների, եթե օգտագործի միջուկային զենք»,-ասել է նա։
Գլխավոր քարտուղարը նշել է, որ ՆԱՏՕ-ն նշաններ չի տեսնում, որ Մոսկվան պատրաստվում է օգտագործել նման զինատեսակներ։
«Մենք ուշադիր հետևում ենք Ռուսաստանի վարքագծին և ներկայումս փոփոխություններ չենք տեսնում միջուկային զենքի օգտագործամն դիրքորոշման մեջ»,-հավելել է նա։
Պատասխանելով լրագրողի այն հարցին, թե արդյոք Ուկրաինան կարող է ռազմական գործողություններ իրականացնել Դոնբասում, Խերսոնի մարզում և Զապորոժիեում Ռուսաստանին միանալուց հետո, Ստոլտենբերգն ասել է, որ «դա չի փոխում հակամարտության էությունը», չնայած միջուկային էսկալացիայի սպառնալիքին։
«Ուկրաինան ունի ինքնապաշտպանության իրավունք, որն ամրագրված է ՄԱԿ-ի կանոնադրության մեջ»,-ընդգծել է գլխավոր քարտուղարը։
