Armenia

«Որոշակի փորձեր եւ քայլեր եղել են, բայց դրանք ամբողջովին չեզոքացված են». ԱԽ քարտուղարը տեղի ունեցող իրադարձությունների մասին

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Այսօր կառավարության նիստից հետո, պատասխանելով լրագրողների հարցերին՝ ի՞նչ վտանգներ է տեսնում ներքաղաքական իրավիճակում, քանի որ նախկինում մտահոգություն կար, որ տարբեր գործիչների կողմից հնարավոր են պետության անվտանգությանը հակասող քայլեր, Անվտանգության խորհրդի քարտուղար Արմեն Գրիգորյանն ասաց՝ այս պահին այդ առումով մտահոգվելու որեւէ կարիք չկա, ամբողջ պետական համակարգը եւ անվտանգության համակարգը արդյունավետ աշխատում է. «Իհարկե որոշակի փորձեր եւ քայլեր եղել են, բայց դրանք ամբողջովին չեզոքացված են եւ մենք այդ առումով հանգիստ ենք: Այս պահին միակ մտահոգությունը կորոնավիրուսի հետ կապված իրավիճակն է եւ ներքին կյանքում միակ սպառնալիքը, կարելի է ասել, դա է»:

Պարոն Գրիգորյանը չպատասխանեց՝ ի՞նչ են բացահայտել, ովքե՞ր են եղել եւ ի՞նչ վտանգ է սպառնացել:

Դիտարկմանն ի պատասխան, թե ուժային կառույցներում վերջին փոփոխությունները կապված էին հեղաշրջման վտանգի հետ, որ ընդդիմադիրներն ակտիվացել էին, վարչապետն այդ պաշտոնյաների նկատմամբ վստահություն չունե՞ր, Արմեն Գրիգորյանն ասաց. «Միակ պատճառը վիրուսի հետ կապված բացատրությունն է, որը տրվել է: Ընդդիմության ակտիվանալը դրա հետ ընդհանրապես կապ չունի: Ընդդիմության որոշակի մասի ակտիվացման պատճառը եղել են միայն քրեական գործերը»:

Արմեն Գրիգորյանի խոսքով, համավարակը մեծ մարտահրավերներ է ստեղծել, բայց կառավարության հետ համատեղ բազմաթիվ աշխատանքներ են կատարվում, որպեսզի դա նվազագույնի հասցվի․ «Ընդհանուր անվտանգության համակարգը, կարելի է ասել, արդյունավետ աշխատում է»:

Այն հարցերին՝ ինչպե՞ս է լինում, որ վարակակիրների տվյալները հայտնվում են ադրբեջանցիների ձեռքում կամ մահացած քաղաքացիների տվյալները հրապարակվում են սոցցանցերում, ԱԽ քարտուղարը պատասխանեց, որ այդ հարցն ուսումնասիրվում է, սպասում են բացահայտմանը, որի մասին հավելյալ կտեղեկացվի:

 Լուսինե ԲՈՒԴԱՂՅԱՆ

Football news:

Agent Hakimi: Zidane is the reason for moving to Inter. He did not call Ashraf, but Conte spoke about the project
Neymar has agreed with PSG that he will be released if Barcelona make an offer (As)
Wigan collapsed under external control. Perhaps all because of the murky betting in the Philippines
Pep on Manchester City's European Cup ban: I'm Sure we will be allowed to play in the Champions League
Defender Athletic Berchiche: Real Madrid have the best squad in the world
Ronaldo scored the 25th goal of the Serie A season (from a free kick!). There have not been such bombers in Juve for 59 years
Karl-Heinz Rummenigge: flick took Bayern back to the top level