Armenia

Որտե՞ղ են զինված ուժերի համար ռազմական կառավարման մասնագետներ պատրաստվում (ֆոտոշարք)

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Այսօր լրատվամիջոցների ներկայացուցիչները հնարավորություն ունեցան այցելել ՀՀ ՊՆ Վազգեն Սարգսյանի անվան ռազմական համալսարան եւ ծանոթանալ ապագա սպաների ուսումնական գործընթացի կազմակերպման առանձնահատկություններին, գործնական եւ տեսական դասընթացների անցկացման պայմաններին:

Ռազմական համալսարանի պետ, գնդապետ Խաչատուր Խաչատրյանը տեղեկացրեց, որ կրթօջախում զինված ուժերի համար պատրաստում են բակալավրի եւ մագիստրոսի որակավորմամբ ռազմական կառավարման մասնագետներ, որոնք հետագայում հաջողությամբ ծառայում են ամենատարբեր ստորաբաժանումներում, իսկ լավագույն շրջանավարտները հրամանատարական բարձր պաշտոններ են զբաղեցնում զինված ուժերում:

Ռազմական համալսարանը մասնագիտական որակների կատարելագործման նպատակով սերտորեն համագործակցում է ինչպես զինված ուժերի զորամիավորումների, այնպես էլ քաղաքացիական բուհերի հետ: Վերջինների ուսանողները 2-րդ կուրսից ռազմական համալսարանում մասնակցում են «Պատիվ ունեմ» ծրագրին, երկուսուկես տարում ստանում հրաձգային եւ հրետանային ստորաբաժանումների կառավարում մասնագիտություն եւ իրենց բուհն ավարտելուց հետո ռազմական համալսարանում եռամսյա հավաք անցկացնելով ստանում լեյտենանտի զինվորական կոչում:

«Առկա ուսումնանյութական բազան, որի գերակշիռ մասը հայրենական արտադրության է, դասախոսական կազմը հնարավորություն է տալիս այստեղ պատրաստելու որակյալ մասնագետներ: Մեր կուրսանտները նաեւ հնարավորություն ունեն ուսումը շարունակել արտերկրի ուսումնական հաստատություններում: Պաշտպանության նախարարի հրամանով համալսարանում հիմնվել է լեզվի կենտրոն, որը պետք է նաեւ հոգա զինված ուժերի կարիքները: Համալսարանում մեծ աշխատանքներ են կատարվում մեր երկրի ռազմական գիտությունը զարգացնելու ուղղությամբ»,- ասաց գնդապետ Խաչատուր Խաչատրյանը:

Անդրադառնալով ընդունելության կազմակերպմանը՝ ռազմական համալսարանի պետը նշեց, որ այն ճիշտ եւ որակով կազմակերպելու ուղղությամբ բավականին մեծ աշխատանք է կատարվել ինչպես համալսարանում, այնպես էլ ՊՆ համակարգում: Սերտ համագործակցություն կա նաեւ զինկոմիսարիատների հետ: Եվ այս ամենի արդյունքում համալրման լավ արդյունքներ կան:

Աշոտ ՀԱԿՈԲՅԱՆ

Football news:

Mourinho on son and Lloris clash: It's beautiful. If you want to blame someone, it's me
Real Madrid players will refuse bonuses for all the trophies they win this season
Barcelona are confident that they will sign Lautaro by October. Inter wants 90 million euros and one player
Aitor Karanka: If there is a team that can win back against Manchester City, it is real
Juventus and Atletico have started talks about the transfer of Lacazette. Inter are also Interested in him
Rangnik agreed to take charge of Milan from the 2020/21 season. He can also take the post of sports Director
Ocampos did everything for the victory of Sevilla: first he scored, and then he put on a goalie's Jersey and in the 101st minute dragged the kick of the goalkeeper Eibar