logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Armenia

«Ոստիկանը չպիտի լինի տվյալ օրվա իշխանության կարիքների ծառայող մարդ». Ամալյա Հովսեփյան

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

«Հիմնական փոփոխությունը, որը առաջ է քաշված կարմիր գծով, այն է, որ պետք է ունենալ ոստիկան, որը կծառայի մեր հասարակությանը և մեր քաղաքացիներին, և այդ ոստիկանը չի լինի տվյալ օրվա իշխանության կարիքների ծառայող մարդ», – այսօր «Հոդված 3» ակումբում Ամալյա Հովսեփյանը ներկայացրեց ոստիկանական համակարգում նախատեսվող բարեփոխումները:

Արդարադատության նախարարության Միջազգային իրավական համագործակցության համակարգող խորհրդական Ամալյա Հովսեփյանը նշեց, որ այսօրվա պայմաններում հրատապ է ունենալ նոր ոստիկանություն, նոր ոստիկան՝ որպես նոր ինստիտուտ:

«Ամենակարևոր համակարգային փոփոխությունը ոստիկանությունում մարդկային ռեսուրսների հանդեպ փոփոխությունն է, այսինքն՝ ինչպես է մարդկային ռեսուրսների նոր կրթությունը կազմակերպվելու․ սա առանցքային է»:

Հարցին, թե ի՞նչ փոփոխություններ են սպասվում ոստիկանական համակարգում նա ասաց՝ առաջինը ոստիկանության ինստիտուցիոնալ համակարգի փոփոխությունն է. «Այս առումով մեր առաջարկն է ունենալ նոր նախարարություն, քաղաքացիական նոր պետական կառույց: Համակարգում սպասվող հաջորդ ուղղության փոփոխությունը պարեկային ծառայության ստեղծումն է»:

Հովսեփյանը տեղեկացրեց, որ ժամանակային առումով փոփոխությունները նախատեսում են իրականացնել երեք տարում, բայց քաղաքացիները այս տարի արդեն կտեսնեն և կզգան այն. կլինեն փոփոխություններ, որոնք, ավելի կարճ ժամանակահատվածում կիրականացվեն, սրանց մեջ մտնում է նաև պարեկային ծառայության ստեղծումը:

Փոխվելու է նաև համայնքային ոստիկանությունը, բացի այդ՝ ստեղծվելու է նաև օպերատիվ կառավարման կենտրոն, որը լինելու է ոստիկանության կազմում:

Ինչ վերաբերում է համակարգում հնարավոր կրճատումներին, Հովսեփյանն ասաց՝ չի դրվելու կրճատման սկզբունքը, այլ լինելու է մրցութային ընտրություն.

«Այն պահանջները, որոնք դրվելու են նոր ոստիկանների համար, լինելու են օբյեկտիվորեն հավասար բոլորի համար, և առաջին փուլը, երբ մենք սկսելու ենք նոր ոստիկաններ վերցնել համակարգ, դա պարեկային ծառայությունն է, չափանիշները լինելու են բարձր և հավասար բոլորի համար, այն մարդիկ, որոնք կհամապատասխանեն չափանիշներին, կմտնեն համակարգ, որոնք չեն համապատասխանի, դուրս կմնան համակարգից»:
Նոնա ՂԱԶԱՐՅԱՆ

Themes
ICO