Այո, պատերազմի մենք սպասում էինք, իհարկե, օրը մեզ համար պարզ չէր, բայց ՊԲ-ն հիմնականում առավոտյան ժամը 7:00-ին պատրաստ էր պատերազմին, և հարձակումը ամբողջ երկայնքով մեկ սկսվեց ժամը 7-ի կողմերը՝ Օմարից մինչև Արաքս. այս մասին Արցախի տեղեկատվական շտաբի հրավիրած ասուլիսին ասաց Արցախի Հանրապետության նախագահ Արայիկ Հարությունյանը:

«Այո, ունենք կորցրած դիրքեր՝ հիմնականում Թալիշի ուղղությամբ և հարավային թևում: Ունենք տասնյակ զոհեր, տասնյակ վիրավորներ, ունենք տասնյակ վիրավորներ քաղաքացիական բնակչության շրջանում: Կարծես նույնն է սցենարը, ինչ Ապրիլյան պատերազմի օրերին, բայց մասշտաբները ահռելի են»,- ասաց նա:

Նախագահ Հարությունյանը շեշտեց, որ մեզ հետ կռվում է ոչ միայն Ադրբեջանը, այլ նաև Թուրքիան: «Օգտագործում են թուրքական բանակի ձեռքի տակ եղած հիմնական ժամանակակից զենքերն ու զինամթերքը՝ անօդաչուներ և ինքնաթիռներ»,- հավելեց նա: