Armenia

Ռուբեն Հայրապետյանը` «ապօրինությունների փաթեթի» եւ վարչապետի խորհրդականի հետ մտերմության մասին

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Aravot.am-ը Հայաստանի պետական տնտեսագիտական համալսարանի (ՀՊՏՀ) ռեկտորի նախկին պաշտոնակատար Ռուբեն Հայրապետյանից հետաքրքրվեց` ինչպե՞ս կմեկնաբանի ՀՊՏՀ ռեկտորի պարտականությունների կատարող Արմեն Գրիգորյանի այն հայտարարությունը, որ Տնտեսագիտական համալսարանի խորհրդի անդամ, ՀՀ վարչապետի խորհրդական Մեսրոպ Առաքելյանն իր ընկերոջ` Ռուբեն Հայրապետյանի շահերն է պաշտպանում եւ նրա պարագայում շահերի բախում կա:

«Զարմանալի չէ, որ դպրոցների մասին կառավարության որոշման իրավական հիմքով համալսարանի ղեկավար նշանակված անձը չպետք է հասկանա, թե ինչ է նշանակում շահերի բախում: Տվյալ անձը (Արմեն Գրիգորյանը-Գ.Հ.) որեւէ հակափաստարկ չունենալով կառավարման խորհրդի անդամի մտահոգություններին` փորձել է ընկերական կապեր բացահայտել եւ դրա հիմքով կատարել անմիտ պնդումներ: Բնականաբար ես Մեսրոպ Առաքելյանի հետ ունեմ շատ ջերմ գործընկերային հարաբերություններ, բայց կրկնում եմ` որպեսզի շահերի բախման մասին խոսք լինի, ոչ թե պետք է ջերմ հարաբերություններ ունենալ, այլ օրենքով սահմանված կարգով շահերի բախում լինի, ինչը տվյալ պարագայում բացարձակապես չկա»,-ասաց պարոն Հայրապետյանը:

«Սա տվյալ անձի եւ իր շրջապատի ոճն է` երբ որ ոչինչ չեն կարողանում ասել, գրկած լինելով բազմաթիվ ապօրինությունների փաթեթը` փորձում են գտնել իրականում ապօրինության հետ կապ չունեցող գործողություններ եւ իրենց իսկ արժեհամակարգով չափելով կատարել համապատասխան պնդումներ: Ես ուղղակի խորհուրդ կտամ բացել ՀՀ օրենսդրությունը եւ կարդալ, թե ինչ է նշանակում շահերի բախում»,-հավելեց ՀՊՏՀ ռեկտորի նախկին պաշտոնակատարը»:

Հիշեցնենք, որ Մեսրոպ Առաքելյանն իր ֆեյսբուքյան գրառման մեջ անընդունելի էր համարել կրթության խաթարումը՝ վարչական, քաղաքական կամ այլ գործընթացների պատճառով: Նա անընդունելի էր համարել` ի պաշտպանություն ռեկտոր ընտրված, բայց կառավարության կողմից չհաստատված Դիանա Գալոյանի, ուսումնական գործընթացի դադարեցումը Հայաստանի պետական տնտեսագիտական համալսարանում եւ դա որակել խայտառակ քայլ:

Գոհար ՀԱԿՈԲՅԱՆ

Ռուբեն Հայրապետյանի լուսանկարը՝ ֆեյսբուքյան էջից

Football news:

The Messi Foundation won a lawsuit against the ABC newspaper. They wrote about the organization's tax fraud
Mbappe announced the death of 8-year-old Luca, who was battling cancer. The striker dedicated a goal to him on Saturday
Lippi finished his career as a coach. He won the 2006 world Cup with the Italian national team
Acts Kolisevski: Pirlo's perfect, because that gives us confidence. He is not afraid to produce young players
Laudrup on Hazard's injuries: it's sad to see months go by for such an outstanding player
The journalist apologized for statements to Fati: I wanted to extol the beauty of his movements
Khabib on meeting with Ronaldo: I was wondering how he keeps this fire going for 17 years. Motivation, discipline, as I understand it