«Ողջ հրապարակում, բոլոր քաղաքացիների շրջանում, համատարած դժգոհություն է։ Հերթական հուսալքությունը, քանի որ էլի հստակ պլան չներկայացվեց»,- Ազգային կոմիտեի հանրահավաքից հետո հայտարարեց ՀՀ ԱԺ նախկին պատգամավոր Աննա Կոստանյանը։
Նա նշեց՝ սա ընդդիմության հերթական ֆիասկոն է. «Երկու տարբերակ կա. կամ այս մարդիկ իրապես չեն պատկերացնում, թե ինչ պետք է անել, կամ սպասում են ինչ-որ բանի։ Երկու պարագայում էլ աններելի է և հասարակությունը նրանց չի ներելու»։
Աննա Կոստանյանի խոսքով, եթե ձգում են իրավիճակը, սպասում ինչ-որ բանի, հավանաբար հոկտեմբերի 5-ի՝ Փաշինյան-Ալիև հանդիպմանը ու եթե փաստաթուղթ ստորագրվի, որտեղ նաև ամարգրվելու է «Զանգեզուրի միջանցքի» մասին կետ, չի աշխատելու. «Այն հասարակությունը, որ հույսեր էր կապում իրենց հետ, չի ներելու իրենց հավասարազոր Նիկոլ Փաշինյանի, ով այսօր հասցրեց այս աղետին»։
