Եվրամիությունը քննարկում է Ռուսաստանին սահմանափակող միջոցները շրջանցելու հարցում օգնելու համար Կենտրոնական Ասիայի երկրների դեմ պատժամիջոցներ սահմանելու հարցը։ «Գազետա ռու»-ն գրել է, որ այդ մասին լուր է հրապարակել The Telegraph-ը՝ փաստաթղթին հղումով։
Նշվում է, որ ԵՄ պաշտոնյաներն արձանագրել են երկակի նշանակության տեխնոլոգիաներով ապրանքների՝ լվացքի մեքենաների և օգտագործված մեքենաների արտահանման աճ Կենտրոնական Ասիայի երկրներ։ Հրատարակության համաձայն՝ Բրյուսելը մտավախություն ունի, որ այդ տեխնոլոգիաները հետագայում կհայտնվեն Ռուսաստանում։
Ըստ ներկայացված ծրագրի՝ ԵՄ-ն մտադիր է բանակցություններ վարել Կենտրոնական Ասիայի երկրների հետ՝ զգուշացնելու նրանց պատժամիջոցները շրջանցելուն օգնելու հետևանքների մասին։
The Telegraph-ը նշում է, որ եթե ԵՄ-ն գտնի դեպի Ռուսաստան վերաարտահանման ապացույցներ, նա կարող է սահմանափակել ցանկացած երկրի, բիզնեսի կամ անհատի մուտքն իր միասնական շուկա։
