Armenia

ՏԵՍԱՆՅՈՒԹ. Ericsson-ը և Team Telecom Armenia-ն Հայաստանում կկառուցեն աշխարհի լավագույն ցանցերից մեկը

Team Telecom Armenia և Ericsson ընկերությունները այսօր ստորագրել են համագործակցության հուշագիր, որը նոր էջ է բացում Հայաստանի հեռահաղորդակցության և թվային ծառայությունների մատուցման շուկայում։

Հեռահար ստորագրումից հետո Ericsson ընկերության տարածաշրջանային ղեկավար(Հայաստան, Վրաստան, Ուկրաինա) Յարոսլավ Նիցակը շնորհավորհանքի խոսք ասաց, մասնավորապես նշելով,- «Մենք ուրախ ենք մտնելու համագործակցության փուլ TEAM  Telecom Armenia-ի հետ և աջակցել՝ բերելով նորարար ծառայություններ և լուծումներ Հայաստան։ Ձեր երկիրը ունի տեխնոլոգիական զարգացման  մեծ պոտենցիալ, իսկ մեր համագործակցությունը կարող է բացել թվային վերափոխման նոր ուղիներ նորարարությունների ներդրման միջոցով։ Այս օրերին ցանցերի որակն ու հուսալիությունը դարձել են դրանց կարևորագույն բնորոշիչը։ Էրիքսսոնը, որպես տեխնոլոգիական առաջատար, պատրաստ է կիսվել իր փորձառությամբ կառուցելու համար հզոր և հուսալի ցանցային համակարգ, որի շնորհիվ բաժանորդները կստանան առաջատար ծառայություններից օգտվելու լավագույն հնարավոր տարբերակը»։

Հայկ Եսայանը շնորհակալություն հայտնեց , նշելով, որ վաղվա առաջադեմ լուծումների ներդրումը Հայաստանում վստահաբար պետք է ծառայի բաժանորդներին տարիներ շարունակ և ապահովի սպառողին մշտապես համահունչ քայլել աշխարհի ամեն օր փոփոխվող տեխնոլոգիական առաջընթացի պայմաններում։

«Հատկանշական է, որ դեռ 11 տարի առաջ, մենք առաջին համագործակցությունը հենց Էրիքսսոնի հետ սկսեցինք, և այսօր էլ նորաստեղծ կազմակերպությունը սկսում է առաջին համագործակցությունը նույն Էրիքսսոնի հետ։ Վստահ եմ՝ Team-ը Էրիքսսոնի օգնությամբ կկառուցի աշխարհի լավագույն ցանցերից մեկը», – նշել է Հայկ Եսայանը։

Հուշագիրը ենթադրում է երկարատև համագործակցություն նոր սերնդի ցանցերի, IoT ծառայությունների ներդրման և նպատակային կառավարման և մի շարք այլ ուղղություններով, ինչպես նաև տրամադրվելու է տեխնոլոգիական և մասնագիտական օժանդակություն հենքային, ռադիո և տրանսպորտային ցանցերի կառուցման կառավարման ուղղություններով և Հայաստանում LTE Advance Pro նորագույն ցանց կառուցելու համար։

Մանրամասները՝ տեսանյութում

Football news:

Solskjaer on Southampton's 96th-minute goal: Manchester United won a lot of games like this. This is football
Inter came in second place in Serie A. Juventus has 8 points more, with 6 more rounds to play
Maguire on the draw with Southampton: We controlled the game and did enough to win
Maradona could become the face of the world Cup-94 for 100 million dollars. Diego refused – the contract required him to take American citizenship
Benzema scored his 19th La Liga goal. Messi Has 22
Belotti is the first Torino player in 43 years to score at least 15 goals in two consecutive seasons
Martial became the tenth Manchester United player to score 50 goals in the Premier League