Armenia
This article was added by the user . TheWorldNews is not responsible for the content of the platform.

Զապորոժիեի և Դնեպրոպետրովսկի մարզեր այցելության նպատակը՝ հայ համայնքների հետ հանդիպումն էր, ռազմական գործողությունների կիզակետում գտնվող համայնքային կառույցներին դեսպանության կողմից աջակցությունը

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Օգոստոսի 8-ին և 9-ին ՀՀ դեսպան Վ. Կարապետյանը Հայ Առաքելական Եկեղեցու Ուկրաինայի թեմի առաջնորդ Մարկոս եպիսկոպոս Հովհաննիսյանի ու Ուկրաինայի հայերի միության նախագահի տեղակալ Դավիթ Մկրտչյանի հետ համատեղ այցելեց Զապորոժիեի և Դնեպրոպետրովսկի մարզեր:

Այցելության հիմնական նպատակը՝ տեղի հայ համայնքների հետ հանդիպումն էր, ռազմական գործողությունների կիզակետում գտնվող համայնքային կառույցներին դեսպանության կողմից աջակցությունն ու քաջալերումը: Համայնքների ներկայացուցիչների հետ հանդիպումները տեղի ունեցան Զապորոժիեի Սուրբ Աստվածածին եկեղեցու հարող տարածքում և Դնիպրոյի Սուրբ Գրիգոր Լուսավորիչ եկեղեցու հարևանությամբ Վարդուհի մշակութային կենտրոնում։ Զապորոժիեում համատեղ պատարագին, ապա դեսպանի հետ հանդիպմանը մասնակցեցին մարզի տարբեր հոգևոր թեմերի առաջնորդներ`Ուկրաինայի ուղղափառ, Հույն կաթոլիկ և Հռոմեա-կաթոլիկ եկեկեղեցու եպիսկոպոսներ:

Ջերմ և անմիջական զրույցների ընթացքում դեսպան Կարապետյանը անդրադարձավ հայ-ուկրաինական հարաբերություններին, պատմեց Հայաստանում տեղի ունեցող զարգացումների մասին, խոսեց դեսպանատան գործունեության մասին: Նա նաև ծանոթացավ Դնիպրոյում և Զապարոժիեում ՀՀ քաղաքացիների խնդիրներին, կազմակերպեց խորհրդատվություններ հյուպատոսական բնույթի տարատեսակ հարցերի կապակցությամբ: Դեսպանը վստահեցրեց հավաքվածներին, որ դեսպանությունը շարունակելու է համակողմանի աջակցել այն քաղաքացիներին, որոնք ունեն դրա կարիքը:

Զապորոժիեում Վ. Կարապետյանը նաև հանդիպումներ ունեցավ մարզպետի առաջին տեղակալ Վիտալի Սիվոլապի և փոխքաղաքապետ Անատոլի Վասյուկի հետ։ Վերջիններս, մասնավորապես, բարձր գնահատական տվեցին հայ համայնքի ամենօրյա աշխատանքին։ Համայնքի ջանքերին դեսպան Կարապետյանը և պատվիրակության անդամները ականատես եղան Սուրբ Աստվածածին եկեղեցում, երբ համայնքի ներկայացուցիչները կազմակերպել էին մարդասիրական օգնության բաժանում հարյուրավոր մարդկանց, որոնք ռազմական գործողությունների պատճառով ընկել են ծանր կացության մեջ։ Մարդասիրական այդ օգնությունը համայնքի կողմից տրամադրվում է ամեն օր:

Ուկրաինայում Հայաստանի դեսպանություն