Azerbaijan

Gömrük Akademiyası konsorsium çərçivəsində Aİ-nın layihəsini qazanıb

Dövlət Gömrük Komitəsinin Akademiyasının iştirak etdiyi üç illik Avropa İttifaqı Erasmus+ konsorsium layihəsi müsabiqənin qalibi seçilib. Gömrük Akademiyasının və səkkiz ali təhsil müəssisəsinin birgə tərəfdaşlığı ilə hazırlanmış “Work4CE” konsorsium layihə təklifi Avropa İttifaqının (Aİ) Eramus+ proqramının “Ali Təhsildə Potensialın Gücləndirilməsi” kateqoriyası üzrə qrant müsabiqəsinin qalibi olub.

Bizimyol.info xəbər verir ki, Akademiyadan verilən məlumata görə, bu konsorsium layihəsinə Gömrük Akademiyası ilə yanaşı, Almaniyanın Dortmund Tətbiqi Elmlər Universiteti, Belçikanın Löven Katolik Universiteti, İspaniyanın Del Pais Vasko Universiteti, Ukraynanın Milli Zaporijiya Politexnik Universiteti, Ternopil Milli İqtisad Universiteti, Kiyev Milli Memarlıq və İnşaat Universiteti, həmçinin Azərbaycan Dövlət və Sənaye Universiteti və Azərbaycan Memarlıq və İnşaat Universiteti də daxildir.

Layihə cari ilin noyabr ayında başlayacaq və 2023-cü ilin noyabr ayınadək davam edəcək. Dördüncü Sənaye İnqilabının (“Sənaye 4.0”) tələb etdiyi biliklərə və bacarıqlara, xüsusilə, rəqəmsal qabiliyyətlərə malik peşəkar kadrların (“İşçi Qüvvəsi 4.0”) müxtəlif ixtisas sahələrində əmək bazarı dinamikasına uyğun hazırlanması (“İş 4.0”) hədəfinə xidmət edəcək və Avropa Komissiyası (AK) tərəfindən maliyyələşdiriləcək “Work4CE” layihəsi çərçivəsində konsorsiuma üzv ali təhsil müəssisələrində yeni tədris resursları, fənlərarası tədris planları və modullar hazırlanacaq. Həmçinin, tədris proqramlarının praktik dəyərini və məzunların işə qəbulunu yaxşılaşdırmaq üçün yeni (virtual) universitet - iş yeri əməkdaşlıqları qurulacaq.

Gömrük Akademiyasının bu layihədə iştirakının əsas hədəflərindən biri Azərbaycanda gömrük sahəsi üzrə təlim-tədrisin “Sənaye 4.0” və “İşçi Qüvvəsi 4.0” tələbatlarına, xüsusilə, milli gömrük qurumlarının rəqəmsal transformasiyasına uyğunlaşdırılaraq təkmilləşdirilməsi, həmçinin Azərbaycan gömrük xidməti orqanlarının peşəkar və ixtisaslaşmış gömrük kadrları ilə təminatını dəstəkləməkdir.

Bu baxımdan, Akademiyanın beynəlxalq əməkdaşlıq və layihələr üzrə fəaliyyətində müxtəlif beynəlxalq təlim-tədris proqramları, o cümlədən Avropa İttifaqı proqramlarında iştirak əsas prioritetlərdən biridir. Bu sahədə cari yarım ildə və növbəti ildə bir çox təşəbbüslərin həyata keçirilməsi planlaşdırılır.

Football news:

Liverpool will pay 4.1 million pounds for Zhota out of 41 million in the first year. Today the midfielder will undergo a medical
Bayern have agreed a 4+1 contract with Ajax defender Dest
Will Juventus take a 10th consecutive League title? Three out of four of our Serie A specialists think not
Norwich refused to sell Barca defender Aarons for 20 million pounds
Aston Villa bought winger Lyon Traore for 17 + 2 million pounds
Genoa have leased Zappacosta from Chelsea and Piazza from Juve
A Lebanese football player has died after being shot in the head. It was held near the funeral where shots were fired in the air