Belarus

Што за прыгажуня сядзела ў першым шэрагу на пасланні Лукашэнкі?

Падчас трансляцыі паслання Лукашэнкі ў кадр траплялі не толькі сілавікі, дэпутаты і чыноўнікі, але і маладая прыгажуня, якая размясцілася ў першых шэрагах. Наша Ніва пацікавілася асобай дзяўчыны.

Прыгажуню завуць Кацярына Лайбіс.

Яна родам з Гомеля (дарэчы, побач з ёю сядзеў якраз адзін сумна вядомы гамяльчук), але жыве і вучыцца ў Мінску ў педуніверсітэце імя Танка.

У дзяўчыны незвычайная спецыяльнасць: яна спецыяліст па інклюзіўнай адукацыі, то-бок працуе з дзецьмі з асаблівасцямі развіцця.

«Яна са школы была актывісткай, валанцёрам. Скончыла школу з залатым медалём і цяпер сумяшчае вучобу ва ўніверсітэце з працай у школе. Кацярына працуе т'ютарам у адной з мінскіх школ, дапамагае дзеткам, — распавяла «Нашай Ніве» мама дзяўчыны. — Акрамя таго, Каця актыўны ўдзельнік БРСМ, і заўсёды сустракала Лукашэнку, калі ён прыязджаў у Гомельскую вобласць. Яна і спявае, і здымаецца як мадэль, і актывістка, і фіналістка конкурса прыгажосці «Міс Беларусь-2018» — таму яе паўсюль і запрашаюць.

Сёлета яна была ў Александрыі, напрыклад. Карацей, дзе на масавых мерапрыемствах Аляксандр Рыгоравіч — там і Каця. Вельмі ганаруся дачушкай маёй!».

«Наша Ніва» звязалася і з самой Кацярынай Лайбіс, але дзяўчына не захацела дзяліцца ўражаннямі ад выступу Лукашэнкі.

«Усё ўжо распавяла «Советской Белоруссіі», прабачце. Чытайце там, усё там эксклюзіўна»,— адказала яна.

Але ж у тэлеграм-канале Нехта з’явілася інфармацыя ад нібыта знаёмых Каці: што дзяўчына была ў адпачынку і не хацела прысутнічаць на пасланні, але яе абавязалі ўдзельнічаць. Інакш нібыта будуць праблемы на працы.

Лайбіс гэта абвяргае: «Я чытала, гэта правакацыя і няпраўда. Для мяне гэта заўсёды прыемная прапанова».

Галасаваць дзяўчына таксама збіраецца за Лукашэнку.

«Канечне, галасаваць буду за Аляксандра Рыгоравіча. Бо за ім стабільнасць», — адказала Кацярына.

Football news:

Lewandowski scored for Schalke in their 10th Bundesliga game in a row. This is a League record
Gnabry scored the fastest goal in 18 years in the opening match of the Bundesliga
Manchester United have agreed a 5-year contract with Telles. It remains to be agreed with Porto
Sane made his debut for Bayern
Ronaldo posted a photo with the award for the best scorer from IFFHS: Happy to win 🇵 🇹 🇮 🇹 😀 💪 🏼
Godin will terminate his contract with Inter and move to Cagliari (Fabrizio Romano)
Wolverhampton made red and green uniforms to make the 12 Portuguese players at the club feel good. New level of care 🔴 🟢