Belarus
This article was added by the user . TheWorldNews is not responsible for the content of the platform.

Жніво пераваліла за экватар

Изображение носит иллюстративный характер

Ужо можна з упэўненасцю сказаць, што аграрнікам сёлета пашанцавала. Толькі ў некалькіх раёнах падчас наліву зерня не хапіла вільгаці, а ва ўсіх астатніх надвор’е спрыяла фарміраванню добрага ўраджаю.

І са жнівом асаблівых праблем няма. Вось ужо абмалот збожжавых і зернебабовых ідзе з другой паловы плошчаў. Гаспадаркі Брэсцкай вобласці наогул блізяцца да завяршэння, а, скажам, у Столінскім раёне (ён адзін з самых паўднёвых у Беларусі) ужо святкуюць дажынкі.

Не сёння, дык заўтра ў засекі будзе засыпана пяцімільённая тона збожжа. Ёсць спадзяванні, што на фінішы жніва з’явіцца і дзевяці-, а то, магчыма, і дзесяцімільённая тона.

Дарэчы, сярэдняя ўраджайнасць па краіне цяпер складае пад 38 цэнтнераў з гектара. У мінулым годзе хлебная ніва давала ў межах 32 цэнтнераў з гектара.

Паводле аператыўнай інфармацыі, самыя высокаўраджайныя палеткі ў шэрагу раёнаў Гродзеншчыны, дзе з гектара ў асобных гаспадарках намалочваюць 80–90 і болей цэнтнераў зерня. Такімі паказчыкамі могуць ганарыцца і некаторыя сельгаспрадпрыемствы Міншчыны.

Рыгор ШЫХАНЦОЎ.

Публікацыя з № 64 газеты “Народная Воля. Падпісацца на газету.

Поделиться ссылкой:

Падтрымаць «Народную Волю»