Dominica
This article was added by the user . TheWorldNews is not responsible for the content of the platform.

Dos studiante di Trabao Social y Desaroyo di U.A ta preparando tayer “Mayornan di Futuro”

Black Immigrant Daily News

The content originally appeared on: Diario

Registracion ta cera Diamars 11 di April

*Lo informa y concientiza tocante e tema: Abuso

ORANJESTAD (AAN) – Michelmira Arends y Rosemary Bustillos, ambos studiante di Universidad di Aruba den e Facultad di Trabao Social y Desaroyo, ta preparando un tayer yama “Mayornan di futuro”.

Michelmina ta haciendo su pasantia na Fundacion Respeta Mi y Rosemary ta stagiaire na YMCA su dos localidad: San Nicolas y Dakota.

E tayer lo consisti di tres anochi riba e fechanan 14, 21, 28 di April di 7’or pa 9’or di anochi, den aula di UA, y e ta completamente gratuito. Inscripcion ta cera diamars otro siman, esta dia 11 di April.

Michelmira ta gradici e studiante di segundo a?a di Trabao Social y Desaroyo cu a yuda cu e nomber di e tayer. E idea di e tayer a nace di Michelmira, cu kier a haci algo pa colabora cu otro fundacion y otro stagiaire, y asina a bin cu e iniciativa di un tayer pa enfoca riba e diferente tiponan di abuso cu tin. Internacionalmente ta wordo reconoci 13, pero no na Aruba. Aki ta reconoce diez.

E meta ta duna informacion y concientizacion na personanan cu mester di esaki. Lo enfoca riba e diez tiponan di abuso, y un di nan ta “Abuso no reciente” cu no ta bin mucho afo. Nan lo bay duna e se?alnan pa reconoce e tiponan di abuso y consecuencianan, y ta bay enfoca riba tres tema.

Di parti di Rosemary Bustillos, el a menciona cu YMCA a wordo pidi pa colabora den e tayer aki, mirando cu nan interes como organizacion ta pa percura pa e bienestar fisico y spiritual di nan mucha y hobennan.

See also

El a bisa cu su persona y Michelmira lo duna instruccionnan, y ta e personanan responsable pa e tayer. El a comenta cu e capacidad cu nan tin ta pa 30 cupo, di cual tin 20 registra caba. Ta keda seis cupo so, pues e registracion ta bayendo lihe.

E participantenan den e tayer aki lo haya un certificado, sea mayor, profesionalnan, of otro personanan cu ta interesa den e tayer aki.

NewsAmericasNow.com