Spain

O ciclo de literatura xuvenil volve este curso “sen tabús"

Autoras como Fina Casalderrey ou María Canosa estarán nas conferencias deste curso 2020-21

A sexta edición do Ciclo de Literatura Infantil e Xuvenil que cada ano se celebra no campus de Ourense xa ten data e programación. Nesta ocasión desenvolverase do 7 de outubro ó 4 de novembro co lema "Sen tabús: ler para pensar" e nela participarán os escritores Fina Casalderrey, An Alfaya, Xavier Estévez, María Canosa e o ilustrador Marcos Viso. Debido á pandemia, as conferencias pasan do formato presencial ao virtual.

Esta iniciativa está coordinada pola profesora da UVigo Isabel Mociño e conta coa colaboración da Asociación de Escritoras e Escritores en Lingua Galega, a Secretaría Xeral de Política Lingüística, a Facultade de Educación e Traballo Social e a Vicerreitoría do Campus de Ourense. "Empezamos coa sexta edición e ao igual que en anos anteriores programamos facer unha sesión semanal", explica Isabel Mociño. As sesións, apunta, "serán nesta ocasión virtuais atendendo á situación da pandemia e as posibilidades de espazos dispoñibles para o aforo que necesitabamos en caso de facelas presenciais". A pesar dos condicionantes provocados polo coronavirus, sinala, "a idea é manter a cita, aínda que sexa nun formato diferente, e seguir dándolle ao alumnado a oportunidade de encontrarse con autores e autoras de referencia".

Os obxectivos do ciclo, lembra Isabel Mociño, continúan sendo os mesmos: visibilizar a produción literaria e a autores e autoras para o público máis novo desde unha perspectiva dinámica; abrir novas vías e temáticas para complementar a visión arredor do sistema literario e darlle a oportunidade a futuros mestres e mestras de coñecer de primeira man a produción de autores e  autoras sobre os que traballarán cando exerzan. Nesta edición, apunta, afondarase nos tabús, como poden ser a morte ou a enfermidade. "Ultimamente obsérvase que hai demasiada literatura politicamente correcta. Hai como unha dulcificación de temáticas como poden ser a morte nesta tendencia a termos á infancia superprotexida, case nunha burbulla distanciada da realidade", comenta a coordinadora da iniciativa. Nun momento histórico coma o actual, recalca, "onde os nenos e nenas tamén son conscientes do que é a morte, a perda ou incluso a falta da liberdade á que estabamos acostumados, a lectura, a literatura estanos dando respostas a como enfrontarnos á perda. En malos tempo ou tempos complicados coma estes, a lectura é máis necesaria ca nunca", comenta Isabel Mociño.

Fina Casalderrey será a encargada de inaugurar a edición deste ano o 7 de outubro coa intervención "Fórmula máxica para derrubar valos".

Football news:

Barcelona está preocupada por la forma de Pjanic. El Club cree que no ha trabajado lo suficiente en sus vacaciones en el Barcelona, preocupado por la forma física del centrocampista Miralem Pjanic, informa diario Sport
Laporte apoyó a van Dyck: lo Siento, hermano. No hay alegría, aunque seamos rivales
Lautaro Martínez: Messi es el mejor del mundo. Siempre está un paso por delante del resto
El estadio del Atlético se tiñó de rosa como parte de la acción contra el cáncer de mama
Frank Lampard: en Champions League nada se da por nada. Es una gran plataforma para aprender de nuevo
Ronaldo no entró en la oferta de la Juve para el partido con el Dinamo de Kiev
Brunu sobre el papel del capitán: No esperaba. Mañana no será por mí, sino por el equipo. Todos deben ser líderes