Spain

Tempos de seca nas Lagoas

Son tempos de escaseza, de seca nas Lagoas. Tras unhas semanas sen apenas choiva, o céspede universitario vigués, caracterizado polo lameiro invernal, presenta manchas marróns de herba seca. A lagoa de acceso ó campus está nos seus niveis máis baixos e o equipo de rugby tamén inicia o curso con recursos limitados. Sen Brizuela nin Sito Moure na primeira liña e coa maioría de xogadores procedentes da súa canteira, onte amosou poucos argumentos ante un Campus Ourense con cinco xogadores do Hemisferio Sur ós que engade o inglés Marston. Se en Vigo tratan de sacar recursos da casa, o seu rival de onte presentou a candidatura ó ascenso. Deste xeito, a vitoria foi visitante. 
Os primeiros minutos foron de certa esperanza para a formación dirixida por Adrián Lago, que tivo un comezo como técnico duro. Os locais mantiveron a posesión durante os primeiros dez minutos e xogaron con bo ritmo nos arredores da zona de marca visitante. Tras moito ataque e algún que outro erro preto do ensaio, o Kaleido Vigo aproveitou un golpe de castigo para abrir o tanteador. Sería case unha anécdota porque os locais non volveron a sumar ata mediado o segundo acto.
O Campus Ourense aproveitaba os erros locais para saír con ensaio en cada aproximación á zona de marca viguesa. Baixo a batuta de Stratton chegaron os puntos ante un Kaleido Vigo que sufría moito en defensa –unha das facetas a mellorar– mentres carecía de eficacia nos últimos dez metros. O resultado, unha derrota abultada e a constatación de que a permanencia será un logro de mérito.

Kaleido Universidade de Vigo: 
Bargiela, Tito Prieto, Paradela, Santi Lemos (Filgueira, min. 41), Carlos López, Carlos Davila, Javi Abadía, Maka Tatafu; Valentín Gutiérrez, Uru; Diego Davila (Riveiro, min. 46), Mauro González, Koldo Barandiarán, Santi Gutiérrez (Miguel Abadía, min. 56), Carlos de Cabo. 
Campus Ourense: 
Guillermo Hernández, Simaile (Arceo, min. 44), César García (Presas, min. 79), Rubén Rodríguez, Santórum, Lalín (Pablo Fernández, min. 60), Jaime García (Sueiro, min. 41), Clarke; Santi Alonso (Comesaña, min. 76); Stratto, Puga, Brais Martínez (Spicer, min. 41), Marston, Yago Rodríguez, Shearer.
Anotaciones: 
3-0, min. 8: golpe de Uru; 3-7, min. 17: ensaio de Marston, que pasa Shearer; 3-14, min. 29: ensaio de Clarke, que pasa Shearer; 3-21, min. 35: ensaio de Santórum, que pasa Shearer; 8-21, min. 65: ensaio de Tatafu; 8-26, min. 68: ensaio de Marston; 8-33, min. 77: ensaio de Spicer, que pasa Shearer; 8-40, min. 80: ensaio e transformación de Shearer. 
Árbitro: 
Luis Santos. Amosou cartón amarelo que leva dez minutos de expulsión ós visitantes Jaime García (min. 7), Stratton (min. 56) e Rubén Rodríguez (min. 73). 
Incidencias:
Partido correspondente á primeira xornada na División de Honra B de rugbi xogado no campo das Lagoas Marcosende ante uns 200 espectadores. 

Football news:

Antonio Conte: no dudaré antes de irme si en el Inter no estoy contento con lo que hago
Diego Godín: el Inter hará todo lo posible para mantener el segundo puesto. Ahora hay que pensar en cómo ponerse al día con la Juventus
Harry Maguire: Manchester United quiere luchar por los trofeos
Zidane sobre la victoria ante el Granada: el Real Madrid aguantó como equipo. Dos partidos más, aún no hemos ganado la liga
El Real Madrid ha ganado 11 partidos con un puntaje mínimo en la liga por primera vez en 11 años
Akinfenwa después de la salida de Wickom al Campeonato: la Única persona que puede cobrarme aún más es Klopp
Ramos sobre el título: Espero que el jueves el Real Madrid celebre el Campeonato. Todo está en nuestras manos