Iceland

600 hagkvæmar leiguíbúðir í 15 sveitarfélögum

Sex hundruð hagkvæmar leiguíbúðir verða byggðar upp um land allt með stuðningi ríkisins. Heildarumfang framkvæmdanna er um 19,8 milljarðar króna, en þar af nemur framlag ríkisins um 3,6 milljörðum eða um 18%.

Allar íbúðirnar verða í eigu óhagnaðardrifinna leigufélaga en aðsópsmest er íbúðafélagið Bjarg, sem er sjálfseignarstofnun í eigu Alþýðusambandsins og BSRB.

Flestar íbúðirnar, eða 472, eru á höfuðborgarsvæðinu. Munar þar mestu um 166 námsmannaíbúðir sem félagið Grunnstoðir hyggst reisa á Nauthólsvegi en stofnkostnaður verksins er um 4,1 milljarður króna og er framlag ríkisins tæpar 740 milljónir. Þá verða 45 íbúðir byggðar í Vindási í Árbæ og er stofnvirði þeirra 1,48 milljarðar króna en framlag ríkisins nemur 265 milljónum.

Sautján íbúða nýbygging verður byggð við Maríugötu í Garðabæ og nemur stofnvirði fjárfestingarinnar 709 milljónum króna, en framlag ríkis 128 milljónir króna.

Af framkvæmdum utan höfuðborgarsvæðisins ber helst að nefna 1.100 milljóna nýbyggingu á Dalbraut á Akranesi, en þar nemur framlag ríkisins 198 milljónum króna. Íbúðirnar verða leigðar út á vegum Leigufélags aldraðra. Þá verða fjórar íbúðir reistar á Akreyri, við Keilusíðu og í Holta- og Hlíðahverfi, og tvær til viðbótar keyptar.

Framlag ríkisins er jafnan 18% af stofnvirði íbúða, en þó hærra í undantekningartilfellum á landsbyggðinni. Þannig nemur framlag ríkisins 34% af 319 milljóna fjárfestingu vegna uppbyggingar átta íbúða á Seyðisfirði og 32% af 112 milljóna uppbyggingu fjögurra íbúða á Bíldudal.

mbl.is

Football news:

Sanchez signed a contract with Inter until 2023. The club signed him for free
Arsenal players are against the dismissal of 55 employees of the club. The team took a pay cut to save the staff
We talked to the football player Tsiskaridze: he ate a dragonfly, knows 7 languages, is in shock from Makhachkala, travels the world and is just happy
David Silva is close to moving to Lazio. The club offered the 34-year-old midfielder a 3-year contract with a salary of 3 million euros per year
Roma announced the sale of the club to Friedkin for 591 million euros. Today the team plays with Sevilla in the Europa League
Conte on Sanchez: Great Inter transfer
Aguero will not play with Real Madrid. He is still undergoing treatment in Barcelona