Iceland

Berskjaldaðir fyrir brotum á vinnumarkaði

Mikil þörf er á öflugra eftirliti af hálfu hins opinbera varðandi málefni erlends vinnuafls í íslenskri ferðaþjónustu og styrka þarf vinnustaðaeftirlit um allt land. Flestir erlendir starfsmenn í ferðaþjónustu koma frá Austur-Evrópu og þá skortir bæði upplýsingagjöf og samfélagslegt öryggisnet.

Þetta er meðal þess sem kemur fram í nýrri skýrslu Rannsóknamiðstöðvar ferðamála, Aðstæður erlends starfsfólks í ferðaþjónustu: sjónarhorn stéttarfélaga og starfsfólks.

Höfundar skýrslunnar eru Magnfríður Júlíusdóttir, lektor í mannvistarlandfræði hjá Háskóla Íslands, og Íris H. Halldórsdóttir, sérfræðingur hjá Rannsóknamiðstöð ferðamála. Þær tóku viðtöl við starfsfólk stéttarfélaga utan höfuðborgarsvæðisins og einnig við erlent starfsfólk í ferðaþjónustu víða um landið. Þá notuðu þær sérútkeyrð gögn frá Hagstofu Íslands til að kortleggja nánar hvar erlendir ríkisborgarar starfa í ferðaþjónustu hér á landi.

Íris Hrund Halldórsdóttir, sérfræðingur hjá Rannsóknamiðstöð ferðamála, og Magnfríður Júlíusdóttir, …

Íris Hrund Halldórsdóttir, sérfræðingur hjá Rannsóknamiðstöð ferðamála, og Magnfríður Júlíusdóttir, lektor í mannvistarlandfræði hjá Háskóla Íslands. Ljósmynd/Aðsend

Rannsóknin sýnir að flokka má fyrirtæki í ferðaþjónustu í þrennt þegar kemur að málefnum erlends starfsfólks:

Í fyrsta lagi fyrirtæki sem eru með hlutina í lagi og fara eftir gildandi kjarasamningum og reglum á íslenskum vinnumarkaði.

Í öðru lagi fyrirtæki þar sem gerð eru mistök vegna þekkingarskorts eða fljótfærni eigenda og forsvarsmanna.

Í þriðja lagi fyrirtæki sem ítrekað brjóta kjarasamninga að því er virðist af ásetningi og komast refsilaust upp með það

Að mati starfsmanna þeirra stéttarfélaga sem tóku þátt í rannsókninni er árangursríkasta leiðin til að stöðva alvarlegustu brotin að laga gloppótt lög og efla eftirlit opinberra stofnana.

Árið 2019 störfuðu hér á landi erlendir ríkisborgarar frá 70 löndum. Hlutfall erlendra starfsmanna var hæst á Suðurlandi, en einnig mikið á Suðurnesjum og á Austurlandi.

mbl.is

Football news:

De Ligt had shoulder surgery and will miss 3 months
Modibo – infected with coronavirus Barcelona player. The disease passes without symptoms
Lichtsteiner finished his career. The former Juve and Arsenal defender is 36 years old
Matuidi left Juventus. The midfielder will move to Inter Miami Beckham
Goetze turned down Beckham's Inter. Mario wants to play in Europe
Tonali will move to Inter after the end of the Europa League
Gasperini worked at Juventus (only with youth) and Inter (sacked after 5 matches), but Atalanta became the grandee for him