Iceland

Bjarkaleikurinn haldinn í fyrsta sinn: Lést í fyrra eftir erfiða baráttu – Ágóðinn í gott málefni

Það fer fram góðgerðarleikur næstkomandi laugardag í Kórnum er lið HK og Breiðabliks eigast við.

Leikurinn er til minningar um Bjarka Má Sigvaldason sem lést 32 ára að aldri eftir baráttu við krabbamein.

Bjarki greindist með sjúkdóminn 25 ára gamall þegar hann lék með meistaraflokki HK.

‘Bjarkaleikurinn’ fer fram um helgina og er stefnt að því að hann fari fram á hverju einasta ári.

Allir ágóði mun renna óskertur í gott málefni en ekkja Bjarka, Ástrós Rut Sigurðardóttir, vinnur með félögunum tveimur.

BJARKALEIKUR!!

HK og Breiðablik spila í fotbolti.net mótinu á laugardag 11 jan kl 11.15 í Kórnum.

Félögin hafa ákveðið að kalla þetta Bjarkaleik í minningu Bjarka Sigvaldasonar sem lést á síðasta ári.

Félögin í samráði við Ástrós Rut Sigurðardóttir ekkju Bjarka hafa ákveðið að stefna á leik milli liðana einu sinni á ári þar sem selt verður inn, og mun ágóðinn renna óskertur í gott málefni í hvert sinn.

Félögin og Ástrós hafa ákveðið að styrkja Ljónshjarta þetta árið, sem er félag ungs fólks sem hefur misst maka sinn.

Frjáls framlög eru við innganginn fyrir leik.