Iceland

„Ég vorkenni fólki í húsbílum“

Jónína Benediktsdóttir, íþróttafræðingur og kennari, hefur verið frumkvöðull á sviði heilsu í um þrjá áratugi. Hún segir að fólk eigi ekki að hella í sig víni í sumarfríinu og henni hryllir við þeirri hugsun að ferðast um landið í húsbíl. Það sem hún hefur lært af lífinu að ekkert plan er stundum besta planið.

Eru ferðalög innanlands góður valkostur að þínu mati?

„Já. Upp að vissu marki. En það sem við sjáum á Facebook er ekki hin raunveruleg mynd af íslensku samfélagi. Ég fæ enga sektarkennd að horfa á Helga Jóhannesson lögfræðing vin minn hoppandi á öll fjöll. Það er fátt fólk sem getur það. Ég fór á Fly Over Iceland og það hentaði mér vel. Þar sannfærðist ég um að landið mitt er gjöf frá Guði sem ég ber að hugsa vel um. Svona sköpun getur ekki verið tilviljun.

Jónína Benediktsdóttir setur heilsuna í fyrsta sætið. Þeir sem vilja …

Jónína Benediktsdóttir setur heilsuna í fyrsta sætið. Þeir sem vilja detoxa með henni þá er næsta námskeið á Hótel Örk 21. ágúst til 4. september.

Ég vorkenni fólki í húsbílum. Mér finnst það hroðaleg tilhugsun að kúldrast í svona bíl en að ferðast og skoða landið eiga allir að gera. En ekki alla daga, allar helgar. Sumir fá sektarkennd ef þeir hafa ekki myndað sig upp á hæstu fjöllum. Gleðin er að búa í bæ þar sem náttúran gerist ekki fallegri, sundlaugarnar eru þrjár og svo fer maður bara út að borða ef hugsunin er þar,“ segir Jónína en hún er búsett í Hveragerði og segir að þar sé best að vera.

Hverjir eru uppáhaldsstaðirnir þínir?

„Ég veit ekkert sterkara en að fara í Laugaskarðið í sundlaugina. Hún endurnærir mig og læknar mig af kvíða. Annars eru það Vestmannaeyjar, Þórsmörk, Hljóðaklettar, veiðiárnar okkar og þá sér í lagi Laxá í Aðaldal.“

Hvað mælirðu með að fólki hugi að í sumarfríinu sínu?

„Ég mæli helst með því að vera hér og nú og að njóta. Ekki alltaf að vera á leið að fara eitthvað eða á leið frá því að koma á annan stað en það er á. Í vinnunni minni sé ég kvíðann hjá mörgum við að vera að gera eitthvað sem það vil ekki gera. Að vera með fólki sem það vil ekki vera með, á tíma og á stað sem það vill ekkert vera á. Flestir vilja njóta einfaldleikans. Við eigum öll að getið notið einfaldleikans hér á landi, en því miður eru margir illa veikir, börn kvíðin og unglingar í neyslu hugbreytandi efna. Það er kall eftir því að samfélagsábyrgðin verði friður og kærleikur. Hitt er að drepa okkur.“

Hvað hefur komið þér á óvart tengt sumrinu?

„Hvað margir hafa viljað Detox á Hótel Örk í sumar. Það hafa um 100 manns gefið heilsunni frið og núllstillt kerfin sín. Allir fóru sem unglingar út af síðasta námskeiði og það kom mér mest á óvart. Við fengum frábærar viðtökur enda þurfa frumkvöðlar alltaf að trúa á lausnir.“

Gerðir þú eitthvað í sumar sem þú ætlar ekki að gera aftur? 

„Ég ætla ekki að gera plön um allt of mikið, því þau virka ekki. Ég er að eldast og það er gaman ef maður sleppir skömminni yfir að vilja stundum ekki gera neitt. Nú er það þroskinn sem ég sýni og að vera með barnabörnunum mínum er aldrei þreytandi. Það gefur mér í lífinu mest.“

Skiptir miklu máli að ná heilsunni góðri í fríinu?

„Já það finnst mér. Að hlaða sig af D-vítamínum og súrefni með því að anda djúpt, ekki eitra sig í mat og drykk. Það tekur langan tíma að afeitra sig af stressi en enn lengri að afeitra sig af dagdrykkju. Sumum tekst jafnvel ekki að hætta að drekka eitur. Þessir aðilar sitja þá uppi með að vera feitir, kvíðnir og með vanlíðan. Áfengi er kvíðavekjandi. Þeir eru þá búnir að vera sér og sínum til skammar og hafa meitt börnin sín og maka. 

Meðan einn er fullur þjást tugir í kringum hann. Pælið í því! Það vill enginn vera vond  manneskja. Heilsa felur í sér alla grunn þætti; umhverfi, hreyfingu, mataræði, hugarfar og erfðir. Við ráðum ekki við erfðirnar, en við þurfum ekki að líkst ættingjum okkar. Breytt hugarfar hjálpar okkur við það ef við viljum.“

Hvernig leggst veturinn í þig?

„Ég held að þetta verði besti vetur í manna minnum. Sá síðasti var sá versti en við lærðum að í raun ráðum við engu. Guð er skapari alls en ekki við. Ef við höfum ekki lært þetta þá lærum við aldrei neitt. Það er því mikilvægt að þakka Guði og biðja um góðan vetur og haga okkur eins og hans börn. Guð refsar ekki en hann kann að aga fólk og er ekki þroskaþjófur.“

mbl.is

Football news:

Liverpool will buy Jota for 41 million pounds. Wolverhampton will pay up to 13.5 million for Hoover
8 is Bavaria's favorite number. Now she beat Schalke: Gnabry scored a hat-trick, Sane scored 1+2, Lewandowski came up with an assist by rabona
Liverpool agreed a 5-year contract with Jota. The transfer amount could be 43 million euros
I left everything and went to the other side of the world for my favorite team. The heartwarming story of a Norwegian fan in love with Santos
Lewandowski scored in the 1st round of the Bundesliga in 7 seasons and repeated the championship record
Gnabry scored a hat-trick against Schalke
Lewandowski scored for Schalke in their 10th Bundesliga game in a row. This is a League record