Iceland

Einn stærsti samningur íslensks fyrirtækis – 500 milljarðar á 10 árum

Alvotech hefur samið við alþjóðlega lyfjarisann Teva Pharmaceuticals um samstarf um þróun, framleiðslu og markaðssetningu fimm líftæknilyfja í Bandaríkjunum. Samningurinn tryggir Alvotech mörg hundruð milljarða í tekjur á næstu tíu árum.

Fréttablaðið skýrir frá þessu í dag. Fram kemur að þetta sé einn stærsti samningur sem íslenskt fyrirtæki hefur gert til þessa.

„Við gerum ráð fyrir því að Bandaríkin skili okkur um 500 milljarða króna tekjum á næstu tíu árum. Þessi samningur er stór hluti af því.“

Hefur blaðið eftir Róbert Wessman, stofnand Alvotech.

Meðal þeirra lyfja sem Alvotech er nú með í þróun eru meðal annars notuð til meðferðar við gigt og krabbameini og eru meðal söluhæstu lyfja heims í dag. Með samningnum hefur Teva tryggt sér markaðsleyfi fyrir lyf Alvotech þegar þau koma á markað á næstu árum. Lyfin verða framleidd hér á landi í hátæknisetri fyrirtækisins.

Alvotech stefnir að enn frekari vexti hér á landi og reiknar með að ráða allt að 70 vísindamenn og sérfræðinga til viðbótar við þá 480 sem starfa nú þegar hjá fyrirtækinu.

Aðspurður sagði Róbert að samningurinn við Teva sé stærsti samningur Alvotech til þessa og líklega sá stærsti sem gerður hafi verið í þeim geira sem fyrirtækið starfar í. Hann sagði að þróun og framleiðsla líftæknilyfja gæti orðið ein af burðarstoðum íslensks útflutnings.

„Við sjáum fyrir okkur að bæði Alvotech og Ísland geti verið í leiðandi hlutverki á sviði líftækni á heimsvísu og samhliða því verði til ný atvinnugrein hér á landi. Það eru ekki mörg fyrirtæki í heiminum eins og Alvotech vegna þess að þekkingin, sem lyfjaþróun af þessu tagi krefst og við erum að byggja upp hér á landi, er vandfundin.“

Sagði Róbert.

Football news:

Pep about 3:1 with Wolverhampton: Sometimes Manchester City enter the season quickly, sometimes they don't. We played well
Kevin de Bruyne: Wolverhampton have caused Manchester City problems before. I am glad that we played well
Stefano Pioli: Milan are confident, can grit their teeth and fight. Zlatan proves that he is a champion
Ibrahimovic on the Bologna double: If I was 20 years younger, I would have scored a couple more. But I'm not old
Cavani's entourage and Atletico discussed a two-year contract at a hotel meeting
Abramovich is suspected of secretly investing in players of other clubs
Ibrahimovic has scored 23 consecutive seasons at club level