Iceland

Flug­menn og Icelandair gerðu „tíma­móta­samning“ í nótt

Icelandair Group og Félag íslenskra atvinnuflugmanna hafa gert nýjan kjarasamning á milli félaganna til 30. september 2025. Þetta kemur fram í tilkynningu frá Icelandair sem send var út nú á tíunda tímanum. 

Í tilkynningu segir að samningurinn sé „í samræmi við þau markmið sem lagt var upp með um að auka vinnuframlag og sveigjanleika verulega.“

Haft er eftir Boga Nils Bogasyni, forstjóra Icelandair Group, að félagið sé mjög ánægt með að langtímasamningar við flugmenn séu í höfn.

„Þetta er stórt skref til að tryggja samkeppnishæfni félagsins og veigamikill þáttur í fjárhagslegri endurskipulagningu félagsins. Gerðar voru verulegar breytingar á samningnum sem tryggja aukið vinnuframlag flugmanna og gefa félaginu aukinn sveigjanleika til þróunar á leiðakerfi Icelandair. Með þessu eru flugmenn að leggjast á árarnar með félaginu til framtíðar.“

Jón Þór Þorvaldsson, formaður Félags íslenskra atvinnuflugmanna, segir í tilkynningu að um sé að ræða „tímamótasamning“ sem félagið hafi gert við Icelandair í nótt.

„Flugmenn eru stoltir af því að hafa náð markmiðunum sem lagt var upp með sem eykur enn á samkeppnishæfni Icelandair. Samningurinn tryggir að félagið er vel í stakk búið að til að sækja fram á hvaða markaði sem er til langrar framtíðar og nýta þau tækifæri sem sannarlega munu skapast.“

Football news:

Luis Suarez: Barcelona wants to win everything they can. The team is in good shape
Sports photographers are on strike in Spain
Liverpool and Everton will play against matches at neutral stadiums
Ronaldo, Messi, Neymar, Salah, Pogba and Griezmann are among the top 10 highest – paid footballers in the world
Juve are not going to keep Pjanic and have stopped trying to sign Artur
Gerardo Martino: The year in Barcelona was the worst of my career
Thousands of Zoom-viewers in Denmark – the best performance of the restart. Aarhus made friends with the service, recreated the stands and carefully added offline