Iceland

Foreldrarnir héldu að níu ára sonurinn væri bara þreyttur – Síðan kom niðurstaðan

Nýlega fóru áhyggjufullir foreldrar á Hadassah Medical Centre í Ísrael með níu ára son sinn sem var svo þreyttur og með höfuðverk en það var mjög ólíkt honum. Læknar skoðuðu hann og sáu að hann var með lítið sár og blóð á höfðinu. Sneiðmyndir voru því teknar af höfði hans og þá kom ástæðan fyrir höfuðverknum í ljós.

Samkvæmt frétt Times of Israel þá sat byssukúla föst í höfði drengsins. Hann hafði verið skotinn í höfuðið þegar Eid al-Adha var fagnað. Foreldrar hans höfðu ekki veitt því athygli frekar en drengurinn sjálfur.

Lögreglan hefur nú hafið rannsókn á málinu. Guy Elor, taugalæknir, fjarlægði kúluna. Hann staðfesti í samtali við The Times of Israel að foreldrar drengsins hafi ekki vitað af kúlunni í höfði hans. Hann sagðist undrandi á að drengurinn hafi lifað þetta af og sleppi líklega án varanlegs meins frá þessu.

Kúlan sem var fjarlægð úr höfði drengsins. Mynd:Hadassah Medical Centre

Rannsókn sýndi að drengurinn var skotin í hliðina á höfðinu og að kúlan hafði farið í gegnum heilann og stöðvast í hnakkanum. Hann var skorinn upp tveimur klukkustundum eftir að hann kom á sjúkrahúsið og tókst aðgerðin vel.

Drengurinn er á góðum batavegi og getur tjáð sig. Elor sagði að ekki sé annað að sjá en heili hans sé að jafna sig að fullu.

Football news:

We want to make sports shopping better. Become a part of our research focus group!
Claudio Bravo: In Barca and Manchester City, the goalkeeper should be a Central defender
Barca were offered Cavani and Dzeko. The club rejected them
West ham offered 23+10 million pounds for defender fofan. Saint-Etienne refused
Andy Cole on £ 109m for Sancho: it's crazy money. Manchester United will not spend them at random
Juventus loaned Luca Pellegrini to Genoa
Palace, Brighton and Sheffield want to buy Brewster. Liverpool ask for 25 million pounds