Iceland

Húrra Reykjavík sameinar verslanirnar

„Þetta er nýr hot spot, hvernig myndi maður segja það á íslensku?“ veltir Sindri Snær Jensson fyrir sér og fær um hæl svarið „heitur reitur“, sem er ekki verri þýðing en mörg önnur. 

Hún er hér notuð yfir heitan reit í vinnslu beint á móti Þjóðleikhúsinu, þar sem Húrra Reykjavík er að opna nýja verslun í tvílyftu húsnæði og Dóri DNA er að opna vínbar á sama reit, eins og mbl.is hefur sagt frá. Vínbarinn verður á Hverfisgötu 18 og Húrra í bakhúsi á Hverfisgötu 18A.

Sindri er einn eigenda Húrra: „Þetta er draumur að verða veruleika hjá Húrra, að sameina loksins verslanirnar undir einu og sama þakinu. Við vildum vera áfram á Hverfisgötunni og höfum verið að leita að húsnæði lengi. Það er bara ekki nógu mikið af flottum og spennandi stærri rýmum í miðbænum. Nýju rýmin eru mörg hver hálfsteríl og leiðinleg en síðan kom þetta, gamalt verksmiðjuhúsnæði, ljósmyndagallerí og fleira, og þá töldum við þetta rétt skref.“

Beint í næsta húsi opna Dóri DNA og Ben Boorman …

Beint í næsta húsi opna Dóri DNA og Ben Boorman vínbarinn Mikka ref og um leið flytur NORR11 inn í samliggjandi rými. Ljósmynd/Aðsend

„Þetta verður þarna við eina flottustu húsgagnaverslunina og mjög spennandi kaffi- og vínbar. Við erum þarna ungt fólk í rekstri með ferska sýn og það verður til dæmis gaman að sameinast um að halda viðburði og tónleika og slík í portinu á bakvið húsið,“ segir Sindri. Með húsgagnaverslun á hann við NORR11, sem hefur verið í bakhúsinu síðustu ár, og færir sig nú yfir á Hverfisgötu 18, á sama stað Mikki refur, vínbarinn hans Dóra DNA.

Húrra hefur rekið verslun fyrir karla frá 2014 á Hverfisgötu 50 og fyrir konur á Hverfisgötu 78 frá 2017. Þær verða báðar opnar fram í byrjun september, þegar nýja búðin opnar á sex ára afmæli Húrra. Sindri segir að leiguhækkun hafi verið í þann mund að koma til í núverandi húsnæði, þannig að sameining og þar með hagræðing sé kjörið skref í átt frá því. Hann hefur ekki upplýsingar um hvað tekur við á Hverfisgötu 50 og 78 að þeim förnum.

mbl.is

Football news:

Thomas Tuchel: If both legs were intact, you could have seen my 40-meter sprint
PSG saved Tuchel's pet: Choupo-moting got everyone for free, managed not to score from a centimetre, and now pulled Paris to the semi-finals of the Champions League
Gian Piero Gasperini: The worst part is that we were so close. I can only thank the guys
Neymar was the player of the match Atalanta-PSG. He gave an assist
ПС PSG suffered through the entire quarter-final and turned it over in 149 seconds. Lifted the Italian curse and went so far in the Champions League for the first time in 25 years
ПС PSG's pain was transformed into happiness: in three minutes, the suffering stars turned into celebrating kings
The club from Italy won't win the Champions League for the 10th year in a row. This is an anti-record