Iceland

Kúrfan svipuð og í byrjun mars

Þórólfur Guðnason, sóttvarnalæknir, segir smitkúrfuna svipaða nú og í byrjun mars. Hann segir erfitt að tala um líkur á því að smitum haldi áfram að fjölga. 

Fram kom í máli Þórólfs á upplýsingafundi almannavarna í dag að það sé smekksatriði hvort að talað sé um samfélagssmit eða hópsýkingu. Gripið hafi verið til aðgerða til að koma í veg fyrir frekari útbreiðslu veirunnar en það vekur upp áhyggjur að ekki sé hægt að tengja allar sýkingar saman. 

Þórólfur segir smitkúrfuna svipaða nú og hún var í byrjun mars og þess vegna sé tekið tiltölulega hart á því smiti sem greinst hefur. Hvernig málin þróast verður að koma í ljós en fólk þarf að vera duglegt að sinna persónulegum smitvörnum. 

Þórólfur segir að áfram þurfi að leggja áherslu á skimanir og sýnatöku innanlands. Síðan þarf að huga að því hvort að breyta þurfi áherslum á landamærum. Þá segir Þórólfur það áhyggjuefni að nýgengni smita heldur áfram að hækka hér á landi og hann telur það líklegt að Ísland lendi á rauðum lista hjá einhverjum Evrópuþjóðum. 

Grímunotkun, meðal annars í Strætó, er í sífelldri endurskoðun að sögn Þórólfs. Málið verður skoðað þegar hausta fer og farþegum í Strætó fjölgar við skólabyrjun. Alma D. Möller landlæknir segir að gefnar hafi verið út leiðbeiningar um grímunotkun, það sé alls ekki sama hvernig grímur fólk notar og hún hvetur fólk til að kynna sér leiðbeiningar til að hafa í huga þegar grímur eru keyptar. 

Funda með Lilju Alfreðsdóttur á morgun

Víðir Reynisson, yfirlögregluþjónn almannvarna, hvetur fólk til að vera skynsamt þegar kemur að viðburðum á borð við brúðkaup, fermingar, afmælisveislur og útfarir. Hann segir að enn hafi ekki verið ákveðið að herða reglur og því séu áfram 100 manna samkomutakmörk og skylda til að tryggja tveggja metra fjarlægð milli ótengdra aðila. Það sé þó ljóst að ekki sé hægt að fylgja þeim reglum ef að halda á fjölmenna einkaviðburði í heimahúsum. 

Þá segir Víðir að þríeykið eigi fund með menntamálaráðherra á morgun þar sem farið verður yfir skólahald í haust. Hann segir ekki tímabært að tala um hvernig skólastarf getur farið fram fyrr en að fundinum loknum. 

mbl.is

Football news:

David Silva made his debut for Sociedad in a game against Real Madrid
Bayern Munich and Borussia Dortmund are Interested in Barcelona forward de La Fuente
Rodgers has 100 WINS in the Premier League in 210 games. Only Ferguson, Dalglish and Keegan have a better result among the Brits
Ferran Torres: I Knew that Manchester City have strong players, and in training I saw how
Leicester scored 6 points in the opening two rounds of the Premier League for the first time since the 2015-16 championship season
Magnus Carlsen: Edegor's Appearance at the start of my real is amazing
Rummenigge on saying goodbye to Tiago: He hugged me and cried for 5 minutes. I had tears too