Iceland

Þegar ég var kynskiptingur í fangelsi fyrir að kúga ráðherra

Leiðari eftir Tobbu Marinós - birtist í DV 22. maí 2020

DV birtir oft umdeildar fréttir. Það er hluti af starfi okkar. Að gelta þegar grunsamleg lykt berst. Kalla til athygli og athugunar.

Við slíkar fréttir logar oft athugasemdakerfið. Oft svo að ritstjórnin lokar fyrir kommentakerfið, til að koma í veg fyrir ómálefnalegar og níðandi athugasemdir. Það er magnað að fylgjast með sýrunni sem vellur upp úr fólki á kostnað annarra. Eins og það gleymist að það er frekar líklegt að sá sem hatursorðræðan beinist gegn lesi hana. Vegalengdirnar eru engar á veraldarvefnum. Eitt klikk og sjálfsmyndin getur mölv ast við lestur athugasemda, sé fólk ekki með breitt bak eða undirbúið undir árás.

Samfélagsmiðlarnir eru annað dæmi um þessa nálægð. Ég man þegar ég sá komment við mynd af mér á Facebook, en undir henni stóð: „Oj. Mér finnst hún alltaf svo skrítin. Er hún kynskiptingur?“
Ég starði lengi á athugasemdina. Það toguðust alls konar tilfinningar á í mér.

Er ég oj?
Skrítin, já.
Kynskiptingur, nei.
Og af hverju er kynskiptingur niðrandi?

Ég lækaði athugasemdina til þess að minna höfundinn á að ég er líka með internet, þó að ég sé oj.

Fyrir stuttu sá ég umræðu um mig þar sem spurt var: „Er hún ekki í fangelsi fyrir að kúga Sigmund Davíð?“
Ahh, elsku Ísland með hálfu sögurnar sínar.

Það fer mjög mikill tími okkar blaðamanna í að elta hálfsagðar sögur á borð við þessar, þar sem ég er kynskiptingur á leið í fangelsi fyrir að kúga ráðherra. Fyrir nokkrum árum fékk ég svo símtal frá fjölmiðli þar sem mér var óskað til hamingju með að vera ólétt eftir þekkt an, giftan fjölmiðlamann. Það fannst mér fyndið. Eigin maður minn hló mikið og sagðist skyldu ala barnið upp sem sitt eigið.

En sjáðu til, að taka símtalið er svo þakklátt. Eðlilegt að spyrja, ef hugsanleg frétt er að baki. Það er þessi nálægð við aftökusveitina í gegnum sam félagsmiðla og athugasemdakerfi sem þarf að hafa í huga. Þegar síminn er ekki tekinn upp og málin rædd, heldur lyklaborðið hamrað með hálfsagðar sögur í fingrunum.

Athugasemdakerfið er góð viðbót við fjölmiðil og þar á að geta blómstrað umræða, uppbyggileg og gagn rýnin. Skítkast er afþakkað. Skítadreifarar verða bann aðir með tilheyrandi „block“ aðferðum, sem gera þeim ókleift að taka þátt í athugasemdakerfinu. Gangi það ekki verður kerfinu lokað.

Það er synd og skömm að fullorðið fólk geti ekki stillt sig um að fá opinberlega hatursuppköst.

Aðgát skal höfði í nærveru sálar.

Football news:

Hakimi will return to Real Madrid and extend his contract until 2025
Roma want to extend Smalling's loan for a year with a 14 million Euro buyout commitment
The transfer window in France will open on June 8
Flamengo extended the contract with head coach Jesus for 1 year
Bashkirov about life without a driver's license: he Loved Cycling. I will buy a highway and go on vacation to St. Petersburg, it is 1500 km
Angel Di Maria: I'm Glad I didn't move to Barca in 2017. I am happy at PSG
The wife of a Serbian from galaxy called for shooting rioters