Iceland

Umferðin dróst saman um 3,4%

Umferð ökutækja minnkaði nokkuð í júlímánuði bæði á hringveginum og á höfuðborgarsvæðinu samkvæmt nýbirtum tölum Vegagerðarinnar.

Fram kemur að umferðin á höfuðborgarsvæðinu í júlí dróst saman um 3,4 prósent frá sama mánuði fyrir ári og var einnig minni en hún var í síðastliðnum júnímánuði.

Umferðin á hringveginum dróst einnig saman í júlí frá sama mánuði fyrir ári og minnkaði um sama hlutfall og á höfuðborgarsvæðinu eða 3,4% samkvæmt umferðarmælum Vegagerðarinnar.

Í ljós kom þó að umferðin á hringveginum var töluvert meiri í júlí- en júnímánuði eða 13 prósentum meiri. Að mati sérfræðinga Vegagerðarinnar er líklegt að meginástæða þessa sé aukinn akstur landsmanna í sumarfríum í júlí og einnig hefur ferðamönnum fjölgað og þar með umferð þeirra um þjóðvegi landsins.

Bent er á varðandi samdráttinn í umferðinni á höfuðborgarsvæðinu að hugsanlega hafi áhrif að höfuðborgarbúar sóttu í auknum mæli út á land í sumarorlofi í júlí.

Frá áramótum hefur umferðin á höfuðborgarsvæðinu dregist saman um tæp níu prósent og útlit er fyrir að gríðarlegur samdráttur verði á umferðinni á hringveginum í ár, sem að mati Vegagerðarinnar gæti orðið um tíu prósent þegar upp er staðið.

Football news:

Semedu for 40 million euros will move from Barca to Wolverhampton (ESPN)
Showsport: Tiago will make Liverpool more variable and thinner. Bayern will feel the loss, but only in the top matches
Jose did not include Dele alli even in the application (it seems, because of the conflict), but so far remained the winner-Son scored 4 from Kane's assists
Negredo scored the first goal for Cadiz. He has 113 goals in La Liga
Jose Mourinho: Kane killed the game. Tottenham were too good in the 2nd half
Braithwaite suffered a quadriceps injury in Barca training
Kane scored 5 (1+4) points in the match against Southampton