#سواليف – رصد
أظهر مقطع فيديو، تم تداوله أمس السبت عبر مواقع التواصل الاجتماعي ، #طوابير طويلة من المواطنين على أحد مطاعم #الشاورما في العاصمة عمّان.
ويظهر الفيديو تهافت المئات من المواطنين، في طوابير طويلة، انتظارا للحصول على #وجبة_شاورما، قبل آذان المغرب.
وقام أحد محلات الشاورما بعمل عرض “ناري” على الشاورما، حيث كانت تباع الوجبة بحوالي ثلث ثمنها الأصلي ، الأمر الذي دفع المواطنين لمحاولة الاستفادة من هذا العرض.
وتفاعل رواد مواقع التواصل الاجتماعي مع المشاهد بالفيديو، فعلّق شريف: “فعلا، الناس جاعت”.
أما رشا فكتب: “جنان ان شاء الله، على شو، شو الي جابرك توقف ساعات طويلة عشان سعر الوجبة صارت بثلث السعر”.
وقال عبدالرحمن .. يا زلمة والله لو اخر فطور بالدنيا ما بوقف هالطابور استنى
وعلّق حسان: “هدول مش بس مش رح يلحقوا اذان المغرب، هدول مش رح يلحقوا رأس السنة”.
وكتب آدم .. قسما بالله لو بالمجان ما بوقف هالوقفة اذا انا بدي اروح استلم حوالة الي بشوف فيه ناس بلف وبرجع
وقال فالح .. حكومة تجويع أعادت الشعب للعصر الطيني
وسخر محمود فكتب .. المهم طمنونا عليهم افطرو ولا لسة بعدهم صيام
وتساءل معاذ .. شو فيه مجاعة ؟ فكرت حالي في دولة الصومال الشقيقه
وكتب محمد .. شعب مسكين والله لو يعطوني…مليون دينار ما وقفت هذه الوقفة
وعلّق معاذ فقال .. بالنسبه الي بعمري ماوقفت هيك وقفه ومستحيل وقفها بس بعض التعليقات مستفزه الي بتنتقد انه الناس واقفه علشان عروض ترا الشعب جيعان والقرش بفرق معها لانه دولتنا ماخلت شي اكلت الاخضر واليابس ،انا بعرف ناس فطورهم برمضان لبنه وسنيوره الله يعين الناس وحسبي الله ونعم الوكيل بكل مسؤول بالبلد وصل الشعب لهون
أما ربيع، فلم يعجبه مشهد التهافت، فقال: “يا ريت واقفين على صندوق زكاة، مش عشان وجبة شاورما”.
وعلّق أحمد: “أكيد المطعم عامل عرض، لنه شعبنا شعب بحب العروض كثير”.
أما ضياء فكتب: ” والله لو بموت من الجوع ما بقف هيك وقفه”.
