Views: 14
ប្រែសម្រួលៈបំណង(ដេល្លីម៉េល)៖មនុស្ស១៣នាក់បានស្លាប់នៅក្នុងការធ្លាក់ភ្លៀងខ្លាំងនៅទូទាំងតំបន់ខាងត្បូងចិន នេះបើតាមការផ្សាយរបស់សារព័ត៌មានរដ្ឋចិនកាលពីថ្ងៃសៅរ៍។
ទីភ្នាក់ងារសារព័ត៌មានស៊ីនហួរផ្លូវការចិនបាននិយាយថា មនុស្សប្រាំបីនាក់បានស្លាប់ក្នុងការរលំបាក់អាគារក្រោយការបាក់ដីនៅក្នុងខេត្តហ្វ៊ុយជៀន ខណៈទូរទស្សន៍រដ្ឋCCTVបាននិយាយថាមនុស្សប្រាំនាក់បានស្លាប់និងបីនាក់កំពុងបាត់ខ្លួននៅក្នុងខេត្តយុនណាន ។
ព្យុះភ្លៀងក៏បានបំផ្លាញផ្លូវថ្នល់ ស្ពាននិងបណ្តាញទូរគមនាគមន៍និងថាមពលនៅក្នុងខណ្ឌមួយក្នុងខេត្តយុនណាន ។
នៅហ្វ៊ុយជៀន ជនរងគ្រោះប្រាំនាក់ត្រូវបានរកឃើញស្លាប់ក្នុងអាគាររោងចក្រ និងបីនាក់ទៀតនៅក្នុងអាគារស្នាក់នៅដែលរលំបាក់កាលពីថ្ងៃសុក្រ។
ការធ្លាក់ភ្លៀងខ្លាំងបានចាប់ផ្តើមកាលពីល្ងាចថ្ងៃព្រហស្បតិ៍ ដោយរូបវីដេអូបង្ហាញបណ្តាដងវិធីត្រូវជន់លិចនៅក្នុងខណ្ឌវូពីញ។ព្យុះភ្លៀងបានបំផ្លាញដំណាំ កាត់ផ្តាច់ចរន្តអគ្គិសនីនិងបំផ្លាញផ្ទះ៣៩នៅក្នុងខណ្ឌ ហើយមនុស្សជាង១.៦០០នាក់ត្រូវបានជម្លៀស៕
ប្រជាជនធ្វើការនៅតំបន់ជន់លិចក្នុងខណ្ឌមួយក្នុងខេត្តយុនណានកាលពីថ្ងៃសុក្រ
