Views: 3
ដោយៈតារារិទ្ធ/ភ្នំពេញ៖នៅព្រឹកថ្ងៃទី២៦ ខែមីនាឆ្នាំ២០២៣ស្អែកនេះសម្តេចអគ្គម ហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានឹងអញ្ជើញជាអធិបតីបើកវេទិកាជាតិ«វិទ្យាសាស្ត្របច្ចេ កវិទ្យានិងនវានុវត្តន៍»ដែលរៀបចំធ្វើឡើងនៅមជ្ឈមណ្ឌលសន្និបាតនិងពិព័រណ៍កោះពេជ្រ ។
ទិវាជាតិ «វិទ្យាសាស្ត្រ បច្ចេកវិទ្យានិងនវានុវត្តន៍»រៀបចំឡើងដោយក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។នេះជាការរៀបចំលើក ដំបូង ។
ព្រឹត្តិការណ៍នេះនឹងបង្កើនការចាប់អារម្មណ៍ និងទាក់ទាញបន្ថែមទៀតដល់ការសិក្សស្រា វជ្រាវការប្រឡងប្រណាំងនិងការជំរុញ ល្បឿនអភិវឌ្ឍន៍វិស័យវិទ្យាសាស្ត្រ បច្ចេក វិទ្យានិងនវានុវត្តន៍បង្កើតជាកាលានុវត្តភាពសម្រាប់ធ្វើធុរកិច្ចនិងវិនិយោគរួមចំណែកដល់ការជំរុញល្បឿនអភិវឌ្ឍសេដ្ឋកិច្ចសង្គ មលើគ្រប់វិស័យប្រកបដោយបរិយាប័ន្ន។
ទិវាជាតិវិទ្យាសាស្ត្របច្ចេកវិទ្យានិងនវានុវត្តន៍នឹងប្រារព្ធឡើងរយៈពេល៣ថ្ងៃគឺចាប់ពីថ្ងៃទី ២៦ដល់ថ្ងៃទី២៨ ខែមីនាឆ្នាំ២០២៣។ ទិវា នេះនឹងមានការអញ្ជើញចូលរួមពីស្ថាប័នពា ក់ព័ន្ធសរុបជាង២០០ស្ថាប័នក្នុងនោះរួមមា នក្រសួងពាក់ព័ន្ធគ្រឹះស្ថានឧត្តមសិក្សានិងស្រាវជ្រាវ ដៃគូអភិវឌ្ឍន៍ជាតិនិងអន្តរជាតិ ក្រុមហ៊ុនអាជីវកម្មនិងសមាគមពាណិជ្ជកម្មជាដើម។
កម្មវិធីសំខាន់ចំនួនបួននឹងត្រូវរៀបចំចាប់ពីថ្ងៃទី២៦ដល់ថ្ងៃទី២៨ខែមីនា ឆ្នាំ២០២៣ដើ ម្បីអបអរសាទរទិវាជាតិនេះ៖
១.ការតាំងបង្ហាញផ្នែកវិទ្យាសាស្ត្រ «Science Caravan» សហការជាមួយក្រសួងឧត្តមសិក្សា វិទ្យាសាស្ត្រ ស្រាវជ្រាវនិងនវានុវត្តន៍នៃប្រទេសថៃ។ ការដាក់បង្ហា ញមន្ទីរពិសោធន៍ចល័តវិទ្យាសាស្រ្តដំបូងគេដែលមិនធ្លាប់មាន ។ ការដាក់តាំងបង្ហាញមន្ទីរពិសោធន៍នេះត្រូវបានរចនាឡើងដើម្បីទាក់ទាញចំណាប់អារម្មណ៍របស់កុមារលើ វិទ្យាសាស្ត្រ បច្ចេកវិទ្យានិង ការច្នៃប្រឌិតក៏ដូចជាលើកទឹកចិត្តបបណ្តុះនូវអាកប្បកិរិយាវិជ្ជមានចំពោះការអប់រំស្ទែម (STEM) ផង ដែរ។២.ផ្តល់ពានរង្វាន់ដល់អ្នកវិទ្យាសា ស្ត្រឆ្នើម ។ ៣.ការតាំងពិព័រណ៌អំពីវិទ្យាសា ស្ត្របច្ចេកវិទ្យានិងនវានុវត្តន៍ ។ កម្មវិធីថ្នាក់ជាតិមួយនេះក៏មានបទបង្ហាញសំខាន់ៗជាច្រើនពីសំណាក់អ្នកជំនាញនិងអ្នកស្រាវ ជ្រាវជាច្រើនក្នុងវិស័យវិទ្យាសាស្ត្រនិងបច្ចេ កវិទ្យាដោយផ្តោតសំខាន់ទៅលើការផ្សព្វ ផ្សាយវិស័យស្ទែមសម្រាប់កុមារនិងជាពិ សេសសម្រាប់ក្មេងស្រីផងដែរ។
៤.សិក្ខាសាលានិងជំនួបពិភាក្សាលើផ្នែកវិទ្យាសាស្ត្របច្ចេកវិទ្យានិងនវានុវត្តន៍។បន្ថែ មពីលើនេះក៏មានកម្មវិធីTalk Showដែល ជាវេទិកាមួយដើម្បីប្រមូលផ្តុំបញ្ញាវ័ន្តសហ គ្រិននិងអ្នកជំនាញរាជរដ្ឋាភិបាលដើម្បីធ្វើកិច្ចពិភាក្សាលើបញ្ហាប្រឈមផ្សេងៗក៏ដូចជាការស្វែងរកដំណោះស្រាយនិងកិច្ចសហ ការនាពេលអនាគតក្នុងវិស័យទាំងពីរនេះផងដែរ ។
ព្រឹត្តិការណ៍ថ្នាក់ជាតិរយៈពេលបីថ្ងៃនេះរំពឹ ងទុកថានឹងទាក់ទាញអ្នកចូលរួមទស្សនារហូតជាង ៥០,០០០ នាក់ជាមួយនឹងការសិក្សាបន្ថែមពាក់ព័ន្ធវិទ្យាសាស្ត្របែបអន្តរកម្មនិងសប្បាយ ដើម្បីជំរុញឲ្យមានចំណាប់អារម្មណ៍លើវិទ្យាសាស្ត្រក្នុងចំណោមកុមារនិងយុវជនកម្ពុជា។
សូមបញ្ជាក់ថាការប្រារព្ធនូវទិវាជាតិវិទ្យា សាស្រ្តបច្ចេកវិទ្យានិងនាវានុវត្តន៍មានសារៈសំខាន់ណាស់ក្នុងការចូលរួមចំណែកទាក់ ទាញវិនិយោគិន ធុរជននិងបុគ្គលមានគំនិត បង្កើតថ្មីនិងនាវុវត្តន៍ថ្មីៗដើម្បីចូលរួមចំណែ កលើកកម្ពស់វិស័យវិទ្យាសាស្រ្តបច្ចេកវិទ្យា និងនាវានុវត្តន៍ជាពិសេសគឺចូលរួមចំណែកបង្កើនកំណើនសេដ្ឋកិច្ចជាតិនិងក្នុងគោល ដៅសម្រេចឲ្យបាននូវចក្ខុវិស័យដែលកម្ពុ ជានឹងប្រែក្លាយទៅជាប្រទេសមានចំណូលមធ្យមកម្រិតខ្ពស់នៅឆ្នាំ ២០៣០ និងក្លាយជាប្រទេសដែលមានចំណូលខ្ពស់ត្រឹមឆ្នាំ ២០៥០ ផងដែរ៕
