Cambodia

ចាន់ រតនា បង្កើន​វាសនា​ឈរជើង​លើ​សង្វៀន ​ONE​ ជាមួយ​ការ​ហ្វឹកហាត់​មិន​ធម្មតា


រាជធានី​ភ្នំពេញ ៖ បន្ទាប់​ពី​គណៈកម្មការ​ប្រចាំ​សង្វៀន ONE Championship ប្រកាស​ឱ្យ​ចាន់ រតនា ដែល​ជា​កីឡាករ​ជើង​ខ្លាំង​មួយ​រូប​របស់​ប្រទេស​កម្ពុជា ត្រៀមខ្លួន​ឡើង​ប្រកួត ក្រោយ​ពេល​កូ​វី​ដ​-១៩​ស្ងប់ស្ងាត់ គេ​ចាប់អារម្មណ៍​ថា កីឡាករ​រូប​នេះ កាន់តែ​បង្កើន​ការ​យកចិត្តទុកដាក់​ហ្វឹក​ហាត់​ជាង​មុន​ជាមួយ​គ្រូបង្វឹក​ក្បាច់គុន​ទាំង​ខ្មែរ និង​បរទេស រហូត​ដល់​ទៅ​៤​នាក់​ឯណោះ​។

ដ្បិតថា ការ​ប្រកួត​ច្បាស់ការ​នៅ​មិន​ទាន់​កំណត់​ជា​ផ្លូវការ តែ​ចាន់ រតនា ត្រូវ​បាន​គេ​កំណត់​ឱ្យ​ឡើង​​ប្រកួត​ក្នុង​ពេល​ឆាប់​ៗ​ខាង​មុខ បន្ទាប់​ពី ចាន់ រតនា បាន​បង្ហាញ​ភាព​ខ្លាំង​របស់​ខ្លួន​លើ​សង្វៀន​រហូត​ជាប់​ជា​កីឡាករ​កម្ពុជា​តែ​ម្នាក់​ដែល​មាន​តម្លៃ​ខ្លួន​ខ្ពស់​ជាងគេ ក្នុង​ចំណោម​កីឡាករ​កម្ពុជា ដោយ​មួយ​ប្រកួត​លោក​ទទួល​បាន​រហូត​ដល់​៣០០០​ដុល្លារ​គឺ​ខ្ពស់​ជាង​តម្លៃ​ខ្លួន​កីឡាករ​កម្ពុជា​ផ្សេង​ទៀត​រហូត​ដល់​ទៅ​៣​ដង​។

តម្លៃ​ខ្លួន​បាន​ឈាន​ឡើងជា​លំដាប់ បន្ទាប់​ពី​លោក​វាយ​ឈ្នះ​កីឡាករ​ជើង​ខ្លាំង​បរទេស​រហូត​ដល់​៣​ដង​ជាប់​គ្នា​នា​ពេល​ចុង​ក្រោយ ។ ដូច្នេះ​ហើយ​ទើប​លើ​សង្វៀន One Championship លោកមា​នទី​ផ្សារ​នាំមុខ​គេ ដោយ​រកតែ​កម្លាំង​ទទួល​ប្រកួត​លែង​ចង់បាន​។

ចាន់ រតនា ដែល​សាង​បាន​ភាព​ល្បីល្បាញ​ខ្លាំង​នៅ​ក្នុង​ការ​ប្រកួត​លើ​សង្វៀន​ONE​អះអាង​ថា ហេតុផល​ដែល​លោក​ជោគជ័យ​នៅ​លើ​សង្វៀន​មួយ​នេះ​គឺ​ដោយសារ​តែ​លោក​មិន​បាន​ផ្តេកផ្តួល​ឬ​អស់សង្ឃឹម​ទៅ​នឹង​ការ​រង់ចាំ​នោះ​ទេ គឺ​រូប​លោក​នៅ​តែ​បន្ត​ព្យាយាម​ហ្វឹកហាត់​ត្រៀម​ប្រកួត​មិន​ថមថយ​ឡើយ​គឺ​ប្រឹង​ជា​ប្រចាំ​បើ​ទោះបីជា​ពេល​នេះ​ក្លិប​ប្រដាល់​របស់​លោក​(​ក្លិប សិល្បៈ​គុន​ខ្មែរ​)​ដែល​ធ្លាប់តែ​មាន​ជនបរទេស​និង​ក្មេង​ៗ​ជំនាន់​ក្រោយមក​ហ្វឹកហាត់​ជា​ហូរហែ​ស្ទើរតែ​ត្រូវ​បិទទ្វារ​ដោយសារ​វិបត្តិ​ជំងឺ​កូ​វី​ដ​-១៩ ក៏​ដោយ ។

លោក​និយាយ​ថា ទោះបីជា​គ្មាន​ការ​ប្រកួត ក៏​លោក​នៅ​តែ​រង់ចាំ​ការ​ប្រកួត​ដ៏​ធំ​នេះ​ជា​និច្ច បើ​ទោះ​ជា​កម្មវិធី​ប្រដាល់​ONE​នៅ​តែ​លើក និង​ពន្យារពេល​ប្រកួត​ក៏​ដោយ ។ ដើម្បី​ទទួល​បាន​លទ្ធផល​ល្អ​ក្នុង​រយៈពេល​ជំងឺ​កូ​វី​ដ​-១៩ នេះ​គឺ​លោក​មិន​ភ្លេច​ហ្វឹកហាត់​ត្រៀម​នោះ​ទេ​ដើម្បី​រង់ចាំ​ការ​ប្រកួត​មួយ​ដ៏​អស្ចារ្យ​ជាមួយ​កីឡាករ​ល្បី​របស់​ជប៉ុន Yoya Wakamatsu ដែល​ខាង​ស្ថាប័ន​ប្រដាល់ ONE Championship បាន​ផ្គូផ្គង​ឱ្យ ។ លោក​ថា នេះ​ជា​ការ​ប្រកួត​លំដាប់​អន្តរជាតិ​មួយ ដែល​នាំ​ឲ្យ​លោក​មាន ភាព​ល្បីល្បាញ​ខ្លាំង និង​បាន​តម្លៃ​ខ្លួន​ច្រើន​ណាស់​បើសិនជា​លោក​ប្រកួត​ឈ្នះ។

លោក​ថា រាល់ថ្ងៃ​លោក​ស្រវាស្រទេញ​គ្រប់​ក្បាច់​គ្រប់​ស្នៀត​ទាំង​អស់ ដោយ​មិនមែន​យល់​ថា ការ​ប្រកួត​ត្រូវ​ពន្យារ​ក៏​ខ្ជីខ្ជា​នោះ​ទេ ពោល​គឺ​លោក​ត្រូវ​បាន​បង្វឹក​បន្ថែម​ពី​គ្រូ​ឯកទេស​ក្បាច់គុន​ផ្សេង​គ្នា​មិន​ក្រោម​៤​នាក់​ទេ ដោយ​ដាក់​កាលវិភាគ​ហ្វឹកហាត់​យ៉ាង​ទៀងទាត់​ទៀត​ផង ។ ក្បាច់គុន​ដែល​លោក​បាន​និង​កំពុង​ហ្វឹកហាត់​បន្ថែម​ជាមួយ​គ្រូ​ជំនួយ​ចំនួន​៤​រូប​នោះ​គឺ ៖

ទី​១-​ក្បាច់គុន​BJJ(Brazilian jiu-jitsu)៖ ក្បាច់គុន​នេះ​ស្រ​ដៀង​នឹង​ចំបាប់​ខ្មែរ និង​យូ​ដូ
របស់​ជប៉ុន​ដែរ ។ អ្នកចូលរួម​ប្រកួត​ក្នុង​កម្មវិធី ONE Champions ក្តី UFC ក្តី ភាគច្រើន​គឺ​គេ​ហ្វឹកហាត់​ក្បាច់ BJJ នេះឯង​។

ទី​២-​ប្រដាល់សកល​៖ ក្បាច់គុន​មួយ​នេះ​ប្រើ​កម្លាំង​ដៃ​សុទ្ធ​ក្នុង​ការ​វាយ​គូប្រកួត មិន​ថា​តែ​យើង​នោះ​ទេ សូ​ម្បី​កីឡាករ​ល្បី​ៗ​នៅ​ស្រុក​គេ​ក៏​ហ្វឹកហាត់​បែប​នេះ​ដូច​គ្នា​។

ទី​៣-​កាយសម្ព័ន្ធ​៖ ការ​ហ្វឹកហាត់​កាយសម្ព័ន្ធ​នេះ​ដើម្បី​ឲ្យ​មាន​រាង​ស្អាត ពិសេស​គឺ​សាច់ដុំ និង​កម្លាំង​តែ​ម្តង និង

ទី​៤-​ក្បាច់គុន MMA (Mix Martial Arts)៖ ក្រៅពី​ហាត់​ក្បាច់គុន​បន្ថែម​ទាំង​៣​ខាងលើ​លោក
(​ចាន់ រតនា​) ក៏​ត្រូវ​សរុប​ក្បាច់ និង​ហ្វឹកហាត់​ក្បាច់​ទាំងនោះ​ចូល​គ្នា ដើម្បី​ត្រៀមខ្លួន​ឡើង​ប្រកួត​ជាមួយ​ដៃគូ ព្រោះថា​កីឡាករ​ផ្សេង​ៗ​ដែល​ល្បីឈ្មោះ​ក៏​ហ្វឹកហាត់​ដូច​គ្នា​នេះ​ដែរ​។

គួរ​បញ្ជាក់​ថា កីឡាករ ចាន់ រតនា មាន​ជំនាញ​ទាំង​ប្រដាល់​គុន​ខ្មែរ ល្បុក្កតោ កា​រ៉ា​តេ​យុទ្ធ​គុន​ខម យូ​ដូ តេ​ក្វា​ន់​ដូ និង​វ៉ូ​វី​ណា​ម និង​ជា​កីឡាករ​កម្ពុជា​តែ​ម្នាក់​ដែល​ទទួល​បាន​ជោគ​ជ័យ​ខ្លាំង​ក្នុង​ការ​ប្រកួត​លើ​សង្វៀន ONE ដោយ​ចាប់ផ្តើម​ប្រកួត​តាំងពី​ទទួល​បាន​ប្រាក់​តម្លៃ​ខ្លួន​១​ពាន់​ដុល្លារ​រហូត​ដល់​៣​ពាន់​ដុល្លារ​ក្នុង​ការ​ប្រកួត​ឈ្នះ​៣​លើក​ជាប់​ៗ​គ្នា​គឺ​ឈ្នះ Abrou Fernandes, Rudy Agustian និង​ឈ្នះ Gustavo Balart កាលពី​ខែសីហា ឆ្នាំ​២០១៩ ។

ការ​ទទួល​បាន​ជោគជ័យ​ផ្ទួន​ៗ​គ្នា​នេះ​បាន​ធ្វើ​ឲ្យ​ចាន់ រតនា ទទួល​បាន​កុងត្រា​ថ្មី​ជាមួយ​ONE ដោយ​​រូបគេ​នឹង​ត្រូវ​ប្រកួត​៦​លើក​នៅ​ក្នុង​ឆ្នាំ ២០២០​នេះ ហើយ​ការ​ប្រកួត​លើក​ទី​១ ប្រចាំឆ្នាំ​នេះ គឺ​ការ​ជួប​អ្នក​ប្រយុទ្ធ​របស់​ជប៉ុន Yoya Wakamatsu នេះ​តែ​ម្តង ខណៈ​ជំនួប​នេះ​គ្រោង​រៀបចំ​តាំងពី​ខែមេសា ប៉ុន្តែ​ត្រូវ​បាន​ពន្យារពេល​ដោយសារ​វិបត្តិ​ជំងឺ​កូ​វី​ដ​-១៩ រហូត​មក​ដល់​ពេល​នេះ ។

យ៉ាងណា​ក៏​ដោយ ការ​ប្រកួត​នេះ ទំនងជា​ចេញ​រូបរាង​នៅ​ចុងឆ្នាំ​នេះ ឬ​ដើមឆ្នាំ​ក្រោយ ទើប​កីឡា​ករ ចាន់ រតនា ត្រៀមខ្លួន​យ៉ាង​ម៉ត់ចត់​បែប​នេះ ។ ការ​ត្រៀមខ្លួន​របស់​លោក ក៏​ធ្វើ​ឱ្យ​លោក​ឈាន​ឡើង​ក្រេ​ឌី​ត​នៅ​ក្នុង​ក្រសែភ្នែក​ស្ថាប័ន ONE Championshipផង​ដែរ ។ ដកស្រង់​សម្ដី ចាន់ រតនា បាន​បញ្ជាក់​ថា​៖«Yoya Wakamatsu មាន​សមត្ថភាព​ខ្លាំង​ប៉ុន្តែ​ខ្ញុំ​បាន​សិក្សា​ពី​បច្ចេក​ទេស​​វាយ​របស់​គេ​តាម​រយៈ​វី​ដេ​អូ​ដើម្បី​យកឈ្នះ​បាន ។

ហេតុនេះ​នៅ ពេល​កម្មវិធី ONE បើក​ភ្លាម ទោះជា​នៅ​ក្នុង​ខែ​ណាមួយ​នៃ​ចុងឆ្នាំ​២០២០​នេះ គឺ​ខ្ញុំ​នៅ​តែ​ធានា​បាន​នូវ​សុខភាព និង​កម្លាំងកាយ​រឹង​មាំ​បច្ចេកទេស​ល្អ ដើម្បី​ឡើង​ទៅ​យកឈ្នះ​ជប៉ុន រូប​នេះ​ឲ្យ​បាន​»​។ ជាមួយនឹង​សមត្ថភាព​នេះ​ហើយ ទើប​លោក​ត្រូវ​ហ្វឹកហាត់​រហូត​ដល់​៤​គ្រូ តាំង​ពី​ឥឡូវ ដើម្បី​ទទួល​បាន​តិក​និក​ច្រើន ៕

Football news:

Wilshire about the lack of Ozil in the application of Arsenal: I'm surprised. He can play for any club in the Premier League
What to read about Maradona: how the Church named after Diego appeared, why he admired an unknown football player, how he got involved with drugs
God is dead. Sports media of the world mourn Maradona
Mourinho about Klopp's words about dissatisfaction with the Premier League calendar: He came in 2015, I-in 2004. Nothing changes
Chelsea want to activate the option to extend their contract with Silva. The club is happy with the defender
Zidane adapted perfectly to the losses and outsmarted Conte in everything. Hazard finally lit up in the top match
Nani: the Fans love Bruno. He is not afraid to take risks and only thinks about the success of Manchester United