Views: 5
ប្រែសម្រួលៈបំណង(ដេល្លីម៉េល)៖ ចិនបានបញ្ជូនយន្តហោះចម្បាំងក្រុមធំបំផុតទីពីរប្រចាំឆ្នាំនេះចូលទៅក្នុងអ្វីដែលអាជ្ញាធរក្រុងតៃប៉ិះហៅថាតំបន់កំណត់ដែនអាកាសយោធារបស់ខ្លួន ដោយរដ្ឋាភិបាលក្រុងតៃប៉ិះអះអាងថា យន្តហោះចិនដល់ទៅ៣០គ្រឿងបានហោះចូលក្នុងតំបន់នេះ រួមមានយន្តហោះប្រយុទ្ធជាង២០គ្រឿង។
ក្រសួងយោធាតៃវ៉ាន់បាននិយាយកាលពីយប់ថ្ងៃចន្ទថា ខ្លួនបានបញ្ជូនចេញយន្តហោះប្រដេញនិងប្រព័ន្ធកាំជ្រួចការពារដែនអាកាសដើម្បីតាមដានសកម្មភាពយន្តហោះចិន។
សូមបញ្ជាក់ថា នៅប៉ុន្មានឆ្នាំចុងក្រោយនេះ ចិនប៉េកាំងបានបញ្ជូនយន្តហោះជាក្រុមធំៗចូលក្នុងអ្វីដែលតៃវ៉ាន់ថាជាតំបន់ការពារដែនអាកាស(ADIZ)របស់ខ្លួនតែចិនចាត់ទុកថាជាតំបន់ក្នុងដែនអធិបតេយ្យភាពរបស់ខ្លួនដើម្បីបង្ហាញការមិនសប្បាយចិត្តនិងហ្វឹកហាត់បង្កើនសមត្ថភាពប្រយុទ្ធ។
ការហោះចូលកាលពីថ្ងៃចន្ទជាការបង្ហាញវត្តមានយន្តហោះចិនច្រើនបំផុតចាប់តាំងពីថ្ងៃ២៣មករា នៅពេលយន្តហោះចិន៣៩គ្រឿងបានហោះចូលក្នុងតំបន់ដដែល។កាលពីឆ្នាំមុនតៃវ៉ាន់បានកត់សំគាល់ឃើញយន្តហោះចិនហោះចូលតំបន់ADIZចំនួន៩៦៩លើក ច្រើនជាងឆ្នាំ២០២០ជាងពីរដង៕
តាំងពីដើមឆ្នាំ២០២២មក តៃវ៉ាន់បានកត់សំគាល់ឃើញយន្តហោះចិនហោះចូលក្នុងតំបន់ADIZចំនួន៤៦៥លើក ដោយកើនឡងជិត៥០ភាគរយធៀបនឹងរយៈពេលដូចគ្នាកាលពីឆ្នាំមុន
