Cambodia

COVID-19៖ អាមេរិក នឹង​ផ្តល់​កម្ចីការ​ប្រាក់​ទាប​ដល់ ​SME​ នៅ​កម្ពុជា

COVID-19

ជាតិ

សេដ្ឋកិច្ច

លោក Parick Murphy ឯកអគ្គរដ្ឋទូត​អាមេរិក​ប្រចាំ​កម្ពុជា​(​ឆ្វេង​) កំពុង​ពិភាក្សា​ការងារ​ជាមួយ​លោក អូន ព័ន្ធមុនីរ័ត្ន រដ្ឋមន្ត្រីក្រសួង​ហិរញ្ញវត្ថុ នៅ​ទីស្តីការក្រសួង កាលពី​ថ្ងៃទី​២៣​កញ្ញា ឆ្នាំ​២០២០​។ រូបថត​៖ MEF

លោក Parick Murphy ឯកអគ្គរដ្ឋទូត​អាមេរិក​ប្រចាំ​កម្ពុជា​(​ឆ្វេង​) កំពុង​ពិភាក្សា​ការងារ​ជាមួយ​លោក អូន ព័ន្ធមុនីរ័ត្ន រដ្ឋមន្ត្រីក្រសួង​ហិរញ្ញវត្ថុ នៅ​ទីស្តីការក្រសួង កាលពី​ថ្ងៃទី​២៣​កញ្ញា ឆ្នាំ​២០២០​។ រូបថត​៖ MEF

​ភ្នំពេញ​៖ សាជីវកម្ម​ហិរញ្ញវត្ថុ​សម្រាប់​ការអភិវឌ្ឍ​អន្តរជាតិ​សហរដ្ឋអាមេរិក​(DFC) នឹង​ផ្តល់​ហិរញ្ញប្បទាន​ដែលមាន​អត្រា​ការប្រាក់​ទាប​ដល់​វិស័យ​ឯកជន​នៅ​កម្ពុជា ពិសេស​សម្រាប់​សហគ្រាស​ធុន​តូច និង​មធ្យម​(SME) ។ នេះ​ជា​លើកឡើង​របស់លោក Parick Murphy ឯកអគ្គរដ្ឋទូត​អាមេរិក​ប្រចាំ​កម្ពុជា នៅក្នុង​សេចក្តីប្រកាស​ព័ត៌មាន​របស់​ក្រសួង​សេដ្ឋកិច្ច និង​ហិ​រញ្ញា​វត្ថុ​ស្តីពី​ជំនួប​ពិភាក្សា​ការងារ​រវាង​លោក អូន ព័ន្ធមុនីរ័ត្ន រដ្ឋមន្ត្រីក្រសួង​ហិរញ្ញវត្ថុ កាលពី​ថ្ងៃទី​២៣​កញ្ញា ឆ្នាំ​២០២០​។​

​សេចក្តីប្រកាស​ព័ត៌មាន​ខាងលើ​បាន​បញ្ជាក់ថា ការផ្តល់​កម្ចី​របស់​អា​មេ​រិ​ក​ដែលមាន​អត្រា​ការប្រាក់​ទាប​ដល់​SME​កម្ពុជា​នេះ គឺ ដើម្បី​ជួយ​សម្រាល​ការលំបាក​របស់​កម្ពុជា​ក្នុងពេល​កំឡុង​ប្រឈម​វិបត្តិ​កូ​វីដ​-១៩(COVID-19)​។ បើតាម​លោក Parick Murphy ក្រៅពី​ផ្តល់​កម្ចី​ការប្រាក់​ទាប​ដល់​SEM​នៅ​កម្ពុជា​នេះ  សហរដ្ឋអាមេរិក ក៏​ជំរុញ​និង​លើកទឹកចិត្ត​ដល់​ធុរជន​អាមេរិក ឱ្យ​បោះទុន​វិនិយោគ​នៅ​កម្ពុជា ផងដែរ​។ 

​ឯកអគ្គរដ្ឋទូត​អាមេរិក​ប្រចាំ​កម្ពុជា​មានប្រសាសន៍​ដូច្នេះ​៖«​ដោយ​មើលឃើញ​ពី​បរិស្ថាន​វិនិយោគ​នៅ​កម្ពុ​ជាមាន​ភាព​ទាក់ទាញ ហើយ​អ្នកវិនិយោគ​អាមេរិក​ជាច្រើន​កំពុងមាន​ចំណាប់អារម្មណ៍​ដាក់ទុន​វិនិយោគ​នៅ​កម្ពុជា​។ ដូច្នេះ អាមេរិក​នឹង​លើកទឹកចិត្ត​ឱ្យ​អ្នកវិនិយោគ​អាមេរិក​ឱ្យមក​វិនិយោគ​នៅ​កម្ពុជា​ក្នុង​គោលបំណង ដើម្បី​ពង្រីក​ទំហំ​ពាណិជ្ជកម្ម​ទ្វេភាគី​រវាង​ប្រទេស​ទាំង​២ រួមចំណែក​ជួយ​ដល់​ជីវភាព​របស់​ប្រជាជន​កម្ពុជា​»​។​

​តាមរយៈ​សេចក្តីប្រកាស​ព័ត៌មាន​ដដែល​នេះ លោក អូន ព័ន្ធមុនីរ័ត្ន បាន​លើកឡើងថា ការផ្តល់​ហិរញ្ញប្បទាន​របស់​អាមេរិក​បានរួម​ចំណែក​ដល់​ការអភិវឌ្ឍ​នៅ​កម្ពុជា​។ ពិសេស​ក្នុង​វិស័យ​សុខាភិបាល អប់រំ កសិកម្ម បរិស្ថាន និង​អភិបាលកិច្ច​។ លោក​បាន​បញ្ជាក់ថា​៖ «​សហរដ្ឋអាមេរិក ក៏​ដូច​ដៃគូ​អភិវឌ្ឍ​ដទៃទៀត​បានរួម​ចំណែក​យ៉ាងសកម្ម​ជាមួយ​រដ្ឋាភិបាល​កម្ពុជា​ក្នុងការ​ប្រយុទ្ធ​ប្រឆាំងនឹង​ជំងឺ​កូ​វីដ​-១៩»​។​

​ប​ច្ច​ប្បន្ន រដ្ឋាភិបាល​កម្ពុជា​កំពុង​អនុវត្ត​វិធានការ​អន្តរាគមន៍​សំដៅ​រក្សា​លំនឹង​សេដ្ឋកិច្ច សង្គម និង​ការជំរុញ​សេដ្ឋកិច្ច​ឡើងវិញ​។ ទន្ទឹមនឹងនេះ រដ្ឋាភិបាល​នឹង​ប្រែក្លាយ​បញ្ហា​ប្រឈម​នៃ​វិបត្តិ​ជំងឺ​កូ​វីដ​-១៩ ទៅជា​កាលានុវត្តភាព​ក្នុងការ​ធ្វើកំណែទម្រង់ និង​ត្រៀមខ្លួន​សម្រាប់​ការបើក​សេដ្ឋកិច្ច​ឡើងវិញ​។ នេះ​ជាការ​លើកឡើង​របស់រ​ដ្ឋ​មន្ត្រី​សេដ្ឋកិច្ច​រូបនេះ ដោយ​អះអាងថា​៖«​កិច្ចសហប្រតិបត្តិការ​ពាណិជ្ជកម្ម និង​វិនិយោគ​រវាង​ប្រទេស​ទាំង​២ បាន​ដំណើរការ​យ៉ាង​រលូន និង​ប្រកបដោយ​វឌ្ឍនភាព​គួរឱ្យកត់សម្គាល់​»​។​

​សូម​ជម្រាប កាលពី​ទី​២១​ឧសភា ឆ្នាំ​២០២០ អាមេរិក​បានផ្តល់​ហិរញ្ញប្បទាន​ឥត​សំណង់​៧,៥​លាន​ដុល្លារ ដល់​កម្ពុជា សម្រាប់​ប្រយុទ្ធ​ប្រឆាំងនឹង​ជំងឺ​កូ​វីដ​-១៩ និង​ដើម្បី​ស្តារ​សេដ្ឋកិច្ច​ឡើងវិញ បន្ទាប់ពី​រង​ប៉ះពាល់​ពី​ពី​ជំងឺ​រាតត្បាត​ជាស​កល​នេះ​៕ 


© រក្សាសិទ្ធិដោយ thmeythmey.com

Football news:

Pep on the criticism: Defeat is becoming a disaster these days because of social media. Sometimes the opponent is better than us, this is life
FIFA about Bartomeu's words about the European super League: we do not know about any agreement
Brother, don't give up on him. He's playing against us. Benzema asked Mendy not to give the ball to Vinicius at half-time of the match with Borussia
In 2010, Pirlo negotiated with Barca. The main playmaker of the generation was ready to go to Pep even in the rotation
Chugainov about Loko in the Champions League: there are Chances to get out of the group. The team looks confident and worthy
Bayern and Alaba failed to agree a new contract for the third time
Atalanta and Ajax showed smart football: a lot of traps and subtle changes on the move