Views: 2
ដោយ៖ សុវណ្ណកុម្ភៈ / ភ្នំពេញ៖ អត្តពលិក កីឡាប៊ូលីងកម្ពុជា ចំនួន១៣រូប បានចេញដំណើរទៅកាន់ទីក្រុងបាងកក ប្រទេសថៃហើយ ដើម្បីចូលរួមការប្រកួត The 21st MWA Asian Junior Tenpin Bowling Championships។
ព្រឹត្តិការណ៍នេះ មាន១៣ប្រទេសចូលរួមប្រកួត។ នេះជាលើកទីមួយហើយបន្ទាប់ពីមានភាពស្ងប់ស្ងាត់មួយរយៈដោយសារវិបត្តជំងឺកូវិដ១៩ និងតបតាមការអញ្ជើញរបស់សមាគមកីឡាប៉ូលីងរបស់ប្រទេសថៃ ដែលកម្ពុជាចេញទៅប្រកួតបែបនេះ។
លោកឧត្តមសេនីយ៍ទោ វ៉ា ស៊ិនភីរម្យ ទីប្រឹក្សាជាន់ខ្ពស់គណៈកម្មាធិការជាតិអូឡាំពិកកម្ពុជា ទទួលបន្ទុកបេសកម្មពិសេស លោកស្រីឧត្តមសេនីយ៍ត្រី វ៉ា កាន់នីកា អគ្គលេខាធិការរងក្រុមប្រឹក្សា កីឡាកងយោធពលខេមរភូមិន្ទបានអ្ញជើញទៅជូនដំណើរលើកទឹកចិត្តកដល់ក្រុមកីឡាប៊ូលលីង។
លោកឧត្តមសេនីយ៍ទោ វ៉ា ស៊ិនភីរម្យ ក៏បានផ្ដែផ្ដាំដើម្បីពង្រឹងស្មារតីតាំងចិត្តប្រឹងប្រែងប្រកួតប្រជែងយកមេដាយជូនជាតិ ដែលនេះគឺជាឱកាសដ៏ល្អមួយ ដើម្បីបង្ហាញអន្តរជាតិអំពីសក្កានុពល និងសមត្ថភាពលើវិស័យកីឡាប៉ូលីងរបស់កម្ពុជាយើង។
កីឡា វ៉ា វណ្ណារាជ្យ ក៏បានអរគុណថ្នាក់ដឹកនាំផ្នែកកីឡាគ្រប់ជាន់ថ្នាក់ដែលបានផ្ដល់ឱកាសសម្រាប់ការចេញទៅប្រកួត ហើយក៏សន្យាថា រូបខ្លួនព្រមទាំងមិត្តរួមក្រុម និងខិតខំប្រឹងប្រែងប្រកួតអោយអស់ពីសម្ថភាព នាំយកជ័យលាភីជូនជាតិកម្ពុជាយើង៕
