Views: 6
ប្រែសម្រួល : កញ្ញាដាលីស (ស្ត្រេតថែមស៍) ៖ ទីក្រុងប៉េកាំងនឹងអនុញ្ញាតឱ្យអ្នកឆ្លងកូវីដ១៩មួយចំនួនធ្វើចត្តាឡីស័កនៅផ្ទះដោយចាប់ផ្តើមជាមួយអ្នកស្រុកនៃសង្កាត់ដែលមានប្រជាជនច្រើនបំផុតរបស់ខ្លួន។
វាគឺជាការផ្លាស់ប្តូរដ៏សំខាន់ ដែលឆ្លុះបញ្ចាំងឱ្យឃើញពីសម្ពាធដែលពួកមន្ត្រីទទួលរងពីការផ្ទុះករណីឆ្លងបំបែកឯតទគ្គកម្មនិងការប្រឆាំងសាធារណៈចំពោះគោលនយោបាយកូវីដសូន្យ។
មនុស្សដែលដឹងពីគម្រោងនេះបាននិយាយថា អ្នកជំងឺដែលមានហានិភ័យទាបអាចធ្វើចត្តាឡីស័កនៅផ្ទះរយៈពេលមួយសប្តាហ៍ ប្រសិនបើពួកគេជ្រើសរើសធ្វើដូច្នេះដោយបន្ទន់គោលនយោបាយទូទាំងប្រទេស ដែលបានឃើញអ្នកគ្រប់គ្នាដែលកើតកូវីដ ត្រូវបានបញ្ជូនទៅកន្លែងដាច់ដោយឡែករបស់រដ្ឋាភិបាលដោយមិនគិតពីភាពធ្ងន់ធ្ងរនៃជំងឺ ដើម្បីបញ្ឈប់ខ្សែសង្វាក់នៃការចម្លងរោគ។
ការផ្លាស់ប្តូរនេះបានចាប់ផ្តើមរួចហើយនៅក្នុងសង្កាត់ចាវយ៉ាង (Chaoyang) នៃទីក្រុងប៉េកាំង ជាកន្លែងសម្រាប់ប្រជាជនប្រមាណ ៣,៥ លាននាក់ ព្រមទាំងស្ថានទូតបរទេសនិងការិយាល័យក្រុមហ៊ុននានាផងដែរ។
មនុស្សដឹងរឿងនេះបាននិយាយដោយមិនបញ្ចេញឈ្មោះថា ចំណាត់ការនេះនឹងដើរតួជាគំរូសម្រាប់សង្កាត់ផ្សេងទៀតអនុវត្តតាម។
យោងតាមមនុស្សទាំងនោះបានឱ្យដឹងថា ធនធានតានតឹងនិងតម្រូវការទប់ស្កាត់ចលាចលសង្គមគឺស្ថិតនៅពីក្រោយការផ្លាស់ប្តូរនេះ។
សំរាប់ថ្ងៃពុធទី៣០វិច្ឆិកា ចិនបានរាយការណ៍ករណីកូវីដថ្មី ៣៦.០៦១ នាក់នៅទូទាំងប្រទេស ក្នុងនោះ ៤.១៥០ នាក់មិនមានរោគសញ្ញា និង ៣១.៩១១ លេចរោគសញ្ញា៕
ចំនួនករណីកូវីដនៅតែបន្តកើនឡើងនៅទូទាំងប្រទេសចិន
