Cambodia

ទឹកចិត្ត​សប្បុរស​រប​ស់​កម្ពុជា​! ធ្វើ​ល្អ បានល្អ​!

ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស បានទទួល​ជួប​ឯកអគ្គរាជទូត​ម៉ាឡេស៊ី ប្រចាំ​កម្ពុជា​

​ដោយ​: ម៉េង​ឆៃ​/ ភ្នំពេញ​: កាលពី​ព្រឹក​ថ្ងៃទី​២៧ ខែវិច្ឆិកា​នៅ​ទីស្តីការ​ក្រសួងការបរទេស លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស បានទទួល​ជួប​ឯកអគ្គរាជទូត​ម៉ាឡេស៊ី ប្រចាំ​កម្ពុជា​។ ក្រៅពី​ចូលជួប​សម្តែង​ការគួរសម លោក​ឯកអគ្គរដ្ឋទូត​ក៏បាន​ប្រគល់​មូលប្បទានប័ត្រ ជា​ទឹកប្រាក់​ចំនួន ២៥ ០០០ ដុល្លារ​អាម៉េរិក ជូន​លោក​ឧបនាយករដ្ឋមន្ត្រី ប្រាក់ សុខុន សម្រាប់​ជួយ​ដល់​ប្រជាពលរដ្ឋ​កម្ពុជា ដែល​រងគ្រោះ​ដោយ​ទឹកជំនន់ កាលពី​ខែតុលា​កន្លងមក​។​

​ជំនួយ​របស់​ម៉ាឡេស៊ី​នេះ ត្រូវបាន​លោក​ឧបនាយករដ្ឋមន្ត្រី ប្រាក់ សុខុន ចាត់ទុកថា គឺជា​ការបង្ហាញ​នូវ​កាយវិការ​សាមគ្គីភាព រវាង​ប្រទេស​ទាំងពីរ នៅក្នុង​ឋានៈ​ជា​ប្រទេស​សមាជិក​អាស៊ាន​ដូចគ្នា និង​ជា​កាយវិការ​ល្អប្រសើរ​រ​បស់​រាជរដ្ឋាភិបាល ក៏ដូចជា​ប្រជាជន​ម៉ាឡេស៊ី ចំពោះ​រាជរដ្ឋាភិបាល និង​ប្រជាជន​កម្ពុជា​។​

​ម៉ាឡេស៊ី ផ្តល់ជំនួយ​ដល់​កម្ពុជា​នេះ គឺ​កើតឡើង​ភ្លាមៗ ក្រោយពី​កម្ពុជា បានផ្តល់​ជំនួយ​សប្បុរ​ស​ជា​ម៉ាស និង​បរិក្ខារ​ពេទ្យ ជា​បន្តបន្ទាប់​ដល់​ប្រទេស​សមាជិក​អាស៊ាន គឺ​ឡាវ និង​មី​យ៉ាន់​ម៉ា​។ នោះ​គឺ​កាលពី​ថ្ងៃទី​១៦ ខែវិច្ឆិកា កម្ពុជា​ផ្តល់​ម៉ាស​ជាង ២​លាន និង​បរិក្ខារ​ពេទ្យ ១២​មុខ ដល់​ប្រទេស​ឡាវ សម្រាប់​ប្រយុទ្ធ​ប្រឆាំងនឹង​ជំងឺ​កូ​វីដ​១៩ ហើយ​នៅ​ថ្ងៃទី​២៦ ខែវិច្ឆិកា ជំនួយ​ជា​ម៉ាស និង​បរិក្ខារ​ពេទ្យ​ដូចគ្នានេះ ត្រូវបាន​កម្ពុជា ផ្តល់ជូន​មី​យ៉ាន់​ម៉ា​។​

​ជាងនេះទៅទៀត កម្ពុជា ក៏បាន​ប្រកាស​ផ្តល់ជំនួយ​ជា​ម៉ាស និង​បរិក្ខារ​ពេទ្យ​សម្រាប់​ទប់ទល់​នឹង​កូ​វីដ​១៩ ដល់​ប្រទេស​ទី​ម័​រលេ​ស្ត​ផងដែរ​។ ជំនួយ​ទាំងនេះ ស្មើនឹង​ពាក់កណ្តាល​នៃ​ជំនួយ​កម្ពុជា ផ្តល់​ឲ្យ​ប្រទេស​ឡាវ និង​ប្រទេស​មី​យ៉ាន់​ម៉ា ហើយនឹង​ត្រូវ​ដឹកជញ្ជូន​តាម​យន្តហោះ​ពិសេស យកទៅ​ប្រទេស​ទី​ម័​រ​ខាងកើត នៅ​ថ្ងៃអាទិត្យ ទី​២៩ ខែវិច្ឆិកា​ខាងមុខ​។​

ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស បានទទួល​ជួប​ឯកអគ្គរាជទូត​ម៉ាឡេស៊ី ប្រចាំ​កម្ពុជា​

​និយាយ​ទៅ​បើតាម​ធម៌​ព្រះពុទ្ធ គឺ​អំពើ​ល្អ​របស់​កម្ពុជា ពិតជា​ហុច​ផល​ភ្លាមៗ ដោយ​មិន​រង់ចាំ​ដល់​ជាតិ​ក្រោយ​ឡើយ​។ អំពើ​ល្អ ក៏​មិន​សាបសូន្យ ពោលគឺ​យើង​ធ្វើ​ល្អ បានល្អ ហើយ​បើ​យើង​ធ្វើ​ល្អ​ដាក់​អ្នកណាម្នាក់ ទោះបីជា​អ្នកនោះ ដឹងគុណ​យើង ឬ​មិន​ដឹងគុណ​យើង ក៏​គង់​តែមាន​អ្នកផ្សេង ធ្វើអំពើ​ល្អ​ដាក់​យើង​វិញ ជាក់​ជាមិនខាន ហើយក៏​មិនចាំបាច់ រង់ចាំ​ដល់​ជាតិ​ក្រោយ​ទេ​។ នេះ​បើ​យើង​និយាយ​ពី​ទ្រឹស្តី​កម្មផល​។​

​តែបើ​មើល​ពី​ទំនាក់ទំនង​ការទូត​វិញ កម្ពុ​ជាមាន​ទំនាក់ទំនង​ល្អ​លើ​គ្រប់​ប្រទេស​ទាំងអស់​លើ​ពិភពលោក ពិសេស​នៅ​តំបន់​អាស៊ាន ដែលមាន ១០​ប្រទេស ហើយ​កម្ពុជា ក៏​ជា​សមាជិក​ដ៏​សំខាន់ ក្នុង​អាស៊ាន​ដែរ​។ ទឹកចិត្ត​ដ៏​សប្បុរស​របស់​កម្ពុជា​ក្រោម​ការដឹកនាំ របស់​សម្តេច​តេ​ជោ ហ៊ុន សែន បានបង្ហាញ​កាន់តែច្បាស់ ហើយ​ច្រើនលើក​មកហើយ ក្នុងអំឡុងពេល​កូ​វីដ​១៩ បាន​ឆ្លង​រាតត្បាត នៅ​ឆ្នាំ​២០២០​នេះ​។

​ក្នុងនោះ យើង​រាប់​ត្រួស មាន​ជាអាទិ៍ វត្តមាន​របស់​សម្តេច​តេ​ជោ ហ៊ុន សែន នៅ​ទីក្រុង​ប៉េកាំង ប្រទេស​ចិន ក្នុងពេល​ប្រទេស​ចិន កំពុង​ឆ្លង​រាលដាល​ជំងឺ​កូ​វីដ​១៩ កាលពី​អំឡុង​ខែកុម្ភៈ សម្តេច​តេ​ជោ ហ៊ុន សែន អនុញ្ញាត​ឲ្យ​នាវា​ទេសចរណ៍​អាមេរិក MS Westerdam ចូល​ចត ដើម្បី​សង្គ្រោះ​អ្នកទេសចរ និង​នាវិក​សរុប​ជាង ២០០០​នាក់ រួមទាំង​ការជួយ​សង្គ្រោះ និង​ព្យាបាល​អ្នកជំងឺ​កូ​វីដ​១៩ ដែលជា​ជនបរទេស រួមទាំង​ពលរដ្ឋ​កម្ពុជា ដែល​មកដល់ពេលនេះ មាន​ចំនួន​ដល់​ទៅ ៣០៧​នាក់​ហើយ​។ ក្នុងនោះ ២៩៨​នាក់ ត្រូវបាន​ព្យាបាល​ជាសះស្បើយ ហើយ​កម្ពុជា មិនមាន​អ្នកស្លាប់​ដោយសារ​ជំងឺ​កូ​វីដ​១៩ និង​ក៏​មិនមាន​ការឆ្លង​ក្នុង​សហគមន៍​រវាង​ប្រជាជន​កម្ពុជា ពី​ម្នាក់ ទៅ​ម្នាក់​ឡើយ​។​

​ជារួម កម្ពុជា ពីមុន​ដែល​ធ្លាប់តែ​ជា​ប្រទេស​ទទួល​ជំនួយ​ទាំងស្រុង តែ​ពេលនេះ​កម្ពុជា​អាច​ក្លាយជា​ប្រទេស ផ្តល់ជំនួយ​សង្គ្រោះ​ដល់​ប្រទេស​ដទៃ ហើយក៏​កម្ពុជា​នៅតែ​បន្ត​ទទួលបាន​ជំនួយ​ពី​ប្រទេស​ជា​មិត្ត ដែល​ទាំង​ការផ្តល់​ជំនួយ​ឲ្យ​គេ និង​ទាំង​ការទទួល​ជំនួយ​ពី​គេ គឺ​សុទ្ធតែជា​កាយវិការ បង្ហាញ​ពី​សាមគ្គីភាព និង​ការជួយ​គ្នា​ទៅវិញទៅមក ក្នុង​គ្រា​ជួប​ការលំបាក​៕​

ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស បានទទួល​ជួប​ឯកអគ្គរាជទូត​ម៉ាឡេស៊ី ប្រចាំ​កម្ពុជា​

Football news:

Mourinho on the double Ntombela: He's very creative. One of those who knows how to sharpen the game
Atalanta and Sevilla have agreed on the transfer of Gomez. The midfielder will fly to Spain on Tuesday
Laporta on Messi at PSG: I read that they have losses. We need to discuss what deals they can afford
PSG offered Ramos a contract for 45 million euros for 3 years (Onda Cero)
Nacho tested positive for the coronavirus. He was in contact with the patient earlier
Bale scored in the FA Cup for the first time since 2013. He has 4 goals in 13 games at Tottenham
Frank Lampard: I didn't have enough time to take Chelsea to the next level