Views: 8
ប្រែសម្រួល : កញ្ញាដាលីស (ដេល្លីម៉េល) ៖ G7 និង EU (សហភាពអឺរ៉ុប) កាលពីថ្ងៃសុក្រទី២ធ្នូបានយល់ព្រមកំណត់តម្លៃ ៦០ ដុល្លារក្នុងមួយបារ៉ែលលើប្រេងរុស្ស៊ីក្នុងការប៉ុនប៉ងដើម្បីបិទខ្ទប់ធនធានសង្គ្រាមរបស់វិមានក្រឹមឡាំង ខណៈប្រធានាធិបតីវ្ល៉ាឌីមៀ ពូទីននិយាយថា ការវាយប្រហារបន្ថែមទៀតលើហេដ្ឋារចនាសម្ពន្ធអ៊ុយក្រែនគឺ “ចៀសមិនរួច”។
ការកំណត់តម្លៃ ដែលបានចរចាពីមុនក្នុងកម្រិតនយោបាយរវាងក្រុម G7 នៃប្រទេសប្រជាធិបតេយ្យមានស្តុកស្តម្ភនិង សហភាពអឺរ៉ុប នឹងចូលជាធរមាន ជាមួយនឹងការដាក់ទណ្ឌកម្មរបស់សហភាពអឺរ៉ុបលើប្រេងឆៅរបស់រុស្ស៊ីចាប់ពីថ្ងៃចន្ទតទៅ។
ការហាមប្រាមនេះនឹងរារាំងការនាំចេញប្រេងឆៅរបស់រុស្ស៊ីតាមកប៉ាល់ទៅកាន់សហភាពអឺរ៉ុបដែលមានចំនួនពីរភាគបីនៃការនាំចូលដែលអាចមានសក្តានុពលដកហូតលុយធ្វើសង្គ្រាមរបស់រុស្ស៊ីរាប់ពាន់លានដុល្លារ។
G7 បាននិយាយនៅក្នុងសេចក្តីថ្លែងការណ៍មួយថា “G7 និងអូស្ត្រាលី…បានឈានដល់ការឯកភាពគ្នាលើតម្លៃអតិបរមា ៦០ដុល្លារអាម៉េរិកក្នុងមួយបារ៉ែលសម្រាប់ប្រេងឆៅដែលមានប្រភពដើមតាមសមុទ្រពីរុស្ស៊ីស្របតាមសហភាពអឺរ៉ុប”។
G7 បាននិយាយថា ខ្លួនកំពុងបង្ហាញការប្តេជ្ញារបស់ខ្លួន “ដើម្បីរារាំងរុស្ស៊ីពីការទទួលផលចំណេញពីសង្គ្រាមឈ្លានពានរបស់ខ្លួនប្រឆាំងនឹងអ៊ុយក្រែន គាំទ្រស្ថិរភាពនៅក្នុងទីផ្សារថាមពលពិភពលោក និង កាត់បន្ថយការហៀរកំពប់នៃសេដ្ឋកិច្ចអវិជ្ជមាននៃសង្គ្រាមឈ្លានពានរបស់រុស្ស៊ី”។
ប៉ូឡូញបានបដិសេធមិនគាំទ្រផែនការកំណត់តម្លៃនេះជុំវិញការបារម្ភថាការកំណត់ថ្លៃនេះខ្ពស់ពេកមុនពេលឯកអគ្គរដ្ឋទូតរបស់ខ្លួនប្រចាំប្លុកនេះបានបញ្ជាក់ពីកិច្ចព្រមព្រៀងរបស់រដ្ឋាភិបាលក្រុងវ៉ាសូវីនៅយប់ថ្ងៃសុក្រ៕
G7 និង EU កាលពីថ្ងៃសុក្រទី២ធ្នូបានយល់ព្រមកំណត់តម្លៃ ៦០ ដុល្លារក្នុងមួយបារ៉ែលលើប្រេងរុស្ស៊ីក្នុងការប៉ុនប៉ងដើម្បីបិទខ្ទប់ធនធានសង្គ្រាមរបស់វិមានក្រឹមឡាំង
