Views: 1
ដោយ: ជា សីហៈ / ភ្នំពេញ: លោក ហេង រតនា អគ្គនាយកស៊ីម៉ាក់ បានអះអាងថា កម្ពុជានិងជប៉ុនកំពុងតែបន្តកិច្ចសហប្រតិបត្តិការលើវិស័យបោសសំអាតមីន និង បញ្ហាអប់រំ ក៏ដូចជាលើកកំពស់ការយល់ ដឹងពីវា។
លោកបានអះអាងថា នៅថ្ងៃទី១៦ ដល់ ១៧ ខែសីហា ឆ្នាំ២០២២នេះ អង្គភាពស៊ីម៉ាក់ បានទទួលស្វាគមន៍លោក កេន សូណូហារ៉ា (Ken Sonohara) ប្រធានអភិរក្ស នៃសារមន្ទីរសន្តិភាពរបស់ក្រុងអូគីណាវ៉ា ប្រទេសជប៉ុន ដើម្បីពិភាក្សានិងពង្រឹងកិច្ចសហប្រតិបត្តិការរវាងសារមន្ទីរសន្តិភាពសកម្មភាពមីនស៊ីម៉ាក់សៀមរាប និងសារមន្ទីរសន្តិភាពនៃក្រុងអូគីវ៉ា។
លោកបានបន្តថា ហើយដោយឡែកនៅព្រឹកថ្ងៃទី១៦ ខែសីហា ឆ្នាំ២០២២នេះ នៅទីបញ្ជាការដ្ឋានស៊ីម៉ាក់ភ្នំពេញ លោកផ្ទាល់និងលោកស្រី ហារូកូ កាមេអ៊ី (HARUKO KAMEI) ប្រធានទីភ្នាក់ងារកិច្ចប្រតិបត្តិការអន្តរជាតិជប៉ុនប្រចាំកម្ពុជា បានចុះហត្ថលេខាលើកំណត់ហេតុនៃកិច្ចសហការបច្ចេកទេសក្នុងការពង្រឹងសមត្ថភាពអង្គភាពស៊ីម៉ាក់ ក្នុងការបំពេញភារកិច្ចឱ្យកាន់តែរឹងមាំប្រកបដោយអាជីពក្នុងកំរិតជាតិ និងជាពិសេសក្នុងកំរិតអន្តរជាតិ៕
